Yakobus 2:3 - O GIKIMOI AWI JAJI ma BUKU

³ de ngini asa foloi niwihoromati o nyawa una magena awi baju dalolohaka. So nitemo unaka, “Baba, hino la ngona nomatami ma simaka,” duma asa o nyawa wosususa una magenaka nitemo, “He! Ngona kagena nomaokoye,” eko “He! Ngona nomatami ma duduka.”

Yakobus 2:3 Referans Kwoze

2 Korintus 8:9

Upa ngohi ngini tinisulo, sababu ngini masirete nianako nanga Jou Yesus Kristus Awi laha gena ilamo poli ngoneka. Ngaroko o sorogaka Una igogou wokaya, duma Awi kaya gena dangodu ka wapalako ma ngale womadadi o nyawa wosususa moi. Komagena waaka la ngone gena aku o Gikimoi Awi simaka asa podadi pokaya.

Yakobus 2:6

Duma ngini gena dadoohaso o nyawa isususaka de niasiceke. Ce! Nianakoka o nyawa ikakaya gena manga dupa ngini lo inisidipito, so asa ona nisangisara, sidago lo ningaho la nisirisima o bobareta manga hakimka.

Yudas 1:16

O bi guru ikokulai ona magena yodupa imaridemo de ifeto o Gikimoika. De to ona manga dupa masirete gena yamote de yaaka. De lo ma ngale ona manga manara masirete gena imasihie de lo o nyawa yalalago yasisanangi la yabaja ma ngale ona masirete lo aku o loha yamake.

Lukas 23:11

Dabolo de o Herodes de awi prajurit-prajurit wikalekono de wisiihe o Yesuska. Ona o bi kolano manga juba iwisitibaku, dabolo de iwisitotali o Pilatuska.

Yakobus 2:2

Magena imatero maro ngini, sababu ngini gena nakoso o orasi moi nimatolomuno, de kanaga o nyawa wokakaya moi wowosa de awi baju daloloha de lo o ali-ali guraci awi gia ma raragaka, bolo de kanaga lo o nyawa moili wosususa wowosa so una asa de awi baju itotola-tola,