Yakobus 2:2 - O GIKIMOI AWI JAJI ma BUKU

² Magena imatero maro ngini, sababu ngini gena nakoso o orasi moi nimatolomuno, de kanaga o nyawa wokakaya moi wowosa de awi baju daloloha de lo o ali-ali guraci awi gia ma raragaka, bolo de kanaga lo o nyawa moili wosususa wowosa so una asa de awi baju itotola-tola,

Yakobus 2:2 Referans Kwoze

Lukas 15:22

Duma ma baba ileleleani waaso de wotemo onaka, ‘Taika! O baju foloi daloloha niadehe, dabolo de niwisitiba unaka. Awi raragako o ali-ali nisitiba, de komagena lo awi dohu lo niacapatoka.

Dodadi 27:15

Dabolo de muna woriria awi baju daloloha, o tahuka wadodiahi gena, madehe de mowisipake ma ngopa wononongoru o Yakubka.

Lukas 23:11

Dabolo de o Herodes de awi prajurit-prajurit wikalekono de wisiihe o Yesuska. Ona o bi kolano manga juba iwisitibaku, dabolo de iwisitotali o Pilatuska.

Yakobus 2:3

de ngini asa foloi niwihoromati o nyawa una magena awi baju dalolohaka. So nitemo unaka, “Baba, hino la ngona nomatami ma simaka,” duma asa o nyawa wosususa una magenaka nitemo, “He! Ngona kagena nomaokoye,” eko “He! Ngona nomatami ma duduka.”