Rasul 9:18 - O GIKIMOI AWI JAJI ma BUKU

¹⁸ O orasi magena dabolo de koloko o nao ma dungi ngai sinoto awi lakono asa itura so o Saulus womasigelelo kali. Gila-gila una womaoko so wiosika,

Rasul 9:18 Referans Kwoze

2 Korintus 3:14

De o Yahudika ma nyawa ona magena manga sininga la datogoika. Ena gena, manga sininga magena lo imatero maro de o baro isisasao so yatalakeka. Sidago o orasi manena lo nakoso o Gikimoi Awi bobita idodomaka magena ona yabaca, de o demo yababaca ma ngale gena ona isihodawa, maro o baro so manga sininga yasaoka. O nyawa la kanaga manga sininga yasasao de yatalakeka, gena yaakuwa yahoi, ka cawali nakoso ona de ma Kristus imarimoika.

Rasul 22:16

Mutuwade o orasi manena upa he notamaha. Nomomi la ngona ngohi toniosi, de o Jouka nogolo la tanu ani sala de ani dorou dangodu o Gikimoi wonisiapongu.’

Rasul 2:38

De o Petrus wosango wotemo, “Bilasu nitoba de niodongosa moi-moi to ngini nia manara datotorou, de nimabolutu o Yesuska, de ngini moi-moi bilasu nisiosi dede o Yesus Kristus Awi ronga de niwipiricaya, la o Gikimoi asa to ngini nia dorou de nia sala wosiapongu, de winihike to Una Awi Gurumi Datetebi la wowosa to ngini nia siningaku.

2 Korintus 4:6

Ma orasi idodomaka o Gikimoi o dunia gena wosidadika, de wotemo, “He! Nita o bubutu ma rabano nodadi.” De o Gikimoi Una magegena lo o nita, so wodisiwa to ngone nanga sininga ma rabaka la aku panako de lo pakelelo o Gikimoi Awi kuasa gena igogou ilamo, kiaka kanaga o Yesus Kristuska de pakokelelo, maro idodomaka de o Yahudika ma nyawa o Gikimoi Awi nita ma siwa yakelelo gena o Musa awi bioka.

Rasul 2:41

So kagena de o bi nyawa o Petrus awi demo yopipiricaya, ona magena yaosika, so o wange magena o nyawa ipipiricaya manga dala idogo kali yacala saange.

Rasul 9:8

Kagena de o Saulus womaoko de awi lako wapelenga, duma womasigelelo kawa. So awi nyawa ona magena awi giaka yacoho la wituda wisingosa o Damsyik ma kotaka.

Rasul 9:17

Mutuwade o Ananias wotagi de wowosa o tahu magenaka. So kagena de awi gia wahado o Saulusku, de wotemo, “Ai nongoru Saulus, o Jou Yesus nowikokelelo o ngeko ma soaka ma orasi ngona nokahino nonena gena, Una masirete woisulo ngohi tahino ngonaka la nomasigelelo kali de o Gurumi Datetebi Awi kuasa iuti ngonaku.”

Rasul 9:19

de lo woodo daboloka, so wiputuru kali maro idodomali. Ma deka o wange muruo naga o Saulus wogoge o bi nyawa o Yesus wipipiricaya o kota magenaka,

Rasul 22:13

So una magena wahino ai dateka womaokoye de wotemo, ‘Ai dodiao Saulus nopipiricaya, tanu nomasigelelo kali!’ Orasi magena dabolo de ngohi aku tomasigelelo kali.