Rasul 7:35 - O GIKIMOI AWI JAJI ma BUKU

³⁵ O Musa una manena dabolo o Israelka ma nyawa wihoholu, de ona wisitemo komanena, ‘Nagoona nitide la ngona manena nomipareta de nomisidodapano ngomi manenaka.’ Duma ka cawali una o Gikimoi asa wisuloka, so wapareta la wasisupu dede o malaikat ma roriwo, magena imasimane de o ngangaru ma rabano o uku isora.

Rasul 7:35 Referans Kwoze

Lukas 19:14

Duma ma tuangi awi doku ma rabaka kanaga lo o nyawa iwiduhudu unaka. Ato womajoboka, ona iwidoduhudu magena manga nyawa yasulo la itagi ituuruno de isingangasu itemo, ‘Ngomi manena miwiholu o tuangi una magena wodadi mia kolano.’

Gogelelo 15:3

De ona isinyanyi ma ngale o Musa, o Gikimoi Awi sosulo, de lo o Duba ma Goho de ona yonyanyi gena itemo, “Jou Gikimoi! Ngona nokokuasa, Ani manara ifoloisi yohairani, Ani moi-moi naaaka gena ka daloha. Ngona o bi bangsaka nokolano, o moi-moi o nyawaka lo naaka, dangodu igogou de itiai.

Ibrani 2:2

Sababu o Gikimoi Awi bobita kiaka idodomaka o bi malaikat yosingongangasu nanga ete de nanga toporaka gena itagaliwa. Ce! O nyawa la kanaga yosigisewa eko yatilaku, ona magena yangodu asa manga dorou ma fanggali yamake.

Kolose 1:15

Ma Kristus Una Awi jamani gena imatero de ka to Gikimoi, gena Una powikokelelowa. Nako o moi-moi isidadadika dangodu, ma Ngopa Una womatetengo kanaga foloisi wolamo.

Rasul 7:51

So, ai gianongoru, ka cawali ngini manena gena igogou nia sahe datogoi de nia ngau datopongo, de nia sininga ma rabaka o Gikimoi niwiholu bai! Ngini manena koloko to ngini nia ete de nia topora o orasi isigeto-geto o Gurumi Datetebi iwisigise iholu, komagena lo ngini.

Rasul 7:30

O taungu moruha ipasaka, de o malaikat moi imasimane o Musaka o tona ibobeleuka, gena o Sinai ma tala ma dateka, o ngangaru datototopo ma rabano o uku isora.

Rasul 5:31

Komagena lo o Gikimoi wisidola de Awi girinaka wisitami la Una Wokolano de Wasisalamati, la Una magena aku womadadi o ngeko so ngone o Israelka ma nyawa nanga dorouno pomatoba de pomatoduba la o Gikimoi wonasiapongu.

Rasul 3:22

Ena gena, o Musa wotemo komanena, ‘Done nia Jou Gikimoi asa witide to ngini nia nyawano de Una iwisulo la wahino nginika o nabi moi, koloko Una woisulo ngohi. So bilasu Awi demo dangodu nisigise, maro o kia ma nabi wotetemo nginika, la nimatoba de nimatoduba.

Rasul 2:36

So o gianongoru de o baba-baba ningodu, bilasu komagena la ngone o Israelka ma nyawa inangodu panako igogou de itiai, ma ngale o Yesus ngini niwisidodasangahadika, Una magena o Gikimoi wisidadi to ngone nanga Jou de nanga Salamati ma Kolano.”

Yohanes 19:15

Duma ona asa imatoore, “Hika powisidasangahadi! Hika powisidasangahadi!” De wotemo, “Awadede! Dadoohaso bilasu towisidasangahadi to ngini nia kolano.” De o imamka ma bi sahe itemo unaka, “To ngomi mia kolano ma somoa gena wihiwa, cawali ka ma Kaisar gena kanaga.”

Yohanes 18:40

Duma ona magena imatoore itemo, “Hiwa! Upa Una, duma o Barabas nowipalako de nomihike ngomika.” O Barabas una gena ma orasi idodomaka de itagi icacanga de lo ikudoti o Romaka yalawangi de una magena ikokoora wamote so wokoora.

Markus 12:26

De ma ngale lo igogou o nyawa isosoneka yasioho kali, ce, nagala magena ngini niawosaka o buku ma rabaka o Musa wosilelefoka o kia ngini niabaca de nimadotoka. Ena gena, o jarita ma ngale o ngangaru de o uku ma sora duma o ngangaru magena daukuwa. Ma orasi magegena o Gikimoi wotemo o Musaka, ‘Ngohi manena dabolo o Abraham awi Gikimoi, o Ishak awi Gikimoi, de o Yakub awi Gikimoi.’ So bilasu o demo magena niasahe o Abraham, o Ishak, de lo o Yakub ngaroko idodomaka yosoneka, duma ona ka yooho.