Rasul 7:32 - O GIKIMOI AWI JAJI ma BUKU

³² ‘Ngohi manena dabolo to ngona ani ete de ani topora manga Gikimoi, ena gena o Abraham, o Ishak, de o Yakub manga Gikimoi.’ Mutuwade o Musa witirine de wimodo, so he wanano kawa.

Rasul 7:32 Referans Kwoze

Matius 22:32

‘Ngohi manena dabolo o Abraham awi Gikimoi, o Ishak awi Gikimoi, de o Yakub awi Gikimoi.’ So bilasu o demo magena niasahe o Abraham, o Ishak, de lo o Yakub ngaroko idodomaka yosone, duma ona ka yooho. Sababu upa o nyawa isosone la o Gikimoi wisuba, duma o nyawa iooho gena ka wisuba-subasi.”

Gogelelo 1:17

So ma orasi Una ngohi towikelelo, de ngohi asa tobukuku de tosuba to Una Awi simaka, tobicara taakuwa de tomomi lo taakuwa koloko o nyawa isosone. Kagena de Una Awi gia ma girina wahado ngohiku, de wotemo, “Ngohi manena o oho ma nonomaka de lo ma dodoguka asa ka tooho sidutu ikakali. Sababu Ngohi lo Una Woooho so ngaroko idoma tosoneka, duma Ngohi gena asa tooho ka sidutu ikakali. Ngohi tapareta o sone ma buturu de lo o nyawa manga sone ma orasi. Komagena so, ngaroko, ngona upa nimodo.

Ibrani 11:16

Duma igogou ona kanaga foloisi yososininga o tona moi daloloha, ena gena kadaku o sorogaka. Komagena so o Gikimoi asa wimadewa nakoso ona wiaso Una to ona manga Gikimoi, sababu igogou Una o doku moi o sorogaka wosidailako lo daboloka.

Rasul 3:13

Ngini bilasu nianako o Abraham, o Ishak, de o Yakub de to ngone nanga ete de nanga topora ma somoali ona magena manga Gikimoi wisusuba, Una manena Awi leleani o Yesus gena wisimuliaka, duma Una magena ngini niwisidoa o Pilatuska, de niwisiholu to una awi simaka, ngaroko o orasi magena o Pilatus wihirika Una iwipalako.

Lukas 5:8

Magena o Simon Petrus wakelelo, de gila-gila una wobukuku o Yesus Awi simaka de wotemo, “Jou, noidongosa ngohi! Sababu ngohi o nyawa ma dorou!”

Matius 17:6

Ato Awi muri-muri ona magena yoise, de ona asa yatodoka de yomodo imasidotirineku, sidago lo imaruba o tonaku.

Dodadi 50:24

So una magena awi ria-riaka wasingangasu wotemo, “O orasi manena dabolo done asa ngohi tosone. Duma nanga Gikimoi Una magena asa ngini winiriwo bai, de o tona manenaka de asa winingaho o tona kiaka o Abraham, o Ishak, de o Yakub ona magena wajaji idomaka.

Dodadi 26:24

So o putu magena de o Jou Gikimoi womasimane o Ishakka de wotemo, “Ngohi manena ani baba o Abraham awi Gikimoi so upa ngona nimodo, sababu Ngohi asa kanaga dede ngonaka de Ai laha tonihike ngonaka, komagena lo taaka sidago ani ngopa de ani dano asa dala icarawa, sababu magena to Ngohi Ai jaji moi Ai nyawa woisigogise o Abrahamka.”

Matius 22:46

So dabolo de o nyawa moi lo yaakuwa Unaka wisango, de o orasi magena de isikahika o nyawa moi lo yobarani kawa o kia naga de wisano Unaka.

Rasul 7:31

O hali magegena wakelelo, de o Musa wohairani icarawa. So wahika ma dateka la watailako kiaso idadi komagena, de una woise o Jou wotemo unaka,