Rasul 7:10 - O GIKIMOI AWI JAJI ma BUKU

¹⁰ so wisisupu o sangisara ma gia ma sohano. De ma orasi o Yusuf wahika ma Firaun o Mesir manga kolano wirisima, de wamake o Gikimoino o loa de o cawaro, sidago ma Firaun o Yusuf witide la wopareta o Mesir ma tonaka de lo ma Firaun awi kadato ma raba dangodu wapareta.

Rasul 7:10 Referans Kwoze

2 Timotius 4:18

Mutuwade ngohi aku Una towipiricaya asa woisisalamati o nyawa moi-moi manga edekati datotorou ma rabano de woingaho o sorogaye, kiaka Una kagena wopareta. Hino la ngone o Gikimoi Awi ronga posilamo de ma bati lo ihiwa! Amin.

Dodadi 48:16

Ya, Jou! Ya, Jou! Maro o Malaikat Ngona nomasimaneka o nyawa yodupa ngohi isosone ona moi-moi noisireseka. Ngohi ai gogolo moi Ngona Jouye tonibaja, tanu Ani loha ifoloi nahike ai ngopa manenaka. Tanu ai ngopa manga dala idogo foloi ka icala. O nyawa yangodu yanako ai ngopa lo ai dano ona manena ngohino, komagena lo o Abraham de o Ishakno.”

Dodadi 42:6

O Mesir manga kolano awi wakil, gena awi ronga o Yusuf, una o ino wosiija o bi doku dangodu ma bi nyawaka. So ma orasi awi ria-ria o Mesirka imasidiado de wirisima ma wakil una magenaka, so ona o Yusuf awi simaka ibukuku de manga suba yatide unaka.

Gogelelo 7:14

De ngohi tosango totemo, “Baba, ngona noinako ngohi manena gena o kia-kiawa tosihoda, duma o hali moi-moi idadadi magena igogou ngona ka nanako.” Kagena de una wotemo, “O nyawa magena ngaroko o sangisara ilalamo yatapaduka, duma manga piricaya o Yesuska gena yodongosawa, so ona manga juba magena isitiodo de o Duba ma Goho Awi au so idadi daareka.

Yakobus 5:11

De niososininga lo ngone popipiricayaka gena potemo igogou o nyawa nagoona la o sangisara yamoku, ona magena manga sininga lo asa isanangi. Ngini nianakoka o Ayub una magena idodomaka la o sangisara ma rabaka de una lo aku wamoku, de lo nianako ma orasi o Ayub awi sangisara itoguka de o Jou asa wofanggali de o loha. Sababu o Jou Una magena Awi galusiri de lo Awi laha gena asa ilamo o nyawaka.

Dodadi 44:18

De kagena de o Yehuda gena womaokoye, de ma wakil awi simaka wahika so wobicara kali wotemo unaka, “Kodo, baba! Nako ka daloha, de tanu noisimaha la sutu ai bicara tonidedemo ngonaka. Ngaroko, ngona gena ma Firaun awi wakil masirete so ani kuasa imatero de ka una, de tanu upa ngona noidoosa.

Dodadi 39:21

Ngaroko kagena o buika wogoge, duma o Jou kanaga de o Yusuf de Awi laha lo iwihike unaka. So o bui wopopareta una magena o Yusuf iwingaho daloha.