Rasul 6:8 - O GIKIMOI AWI JAJI ma BUKU

⁸ O Stefanus una magena o Gikimoi Awi laha de Awi kuasa iwisidumuka, sidago una o nonako ihahairani ifoloisi ilamo waaka o Yahudi ma kawasa manga simaka.

Rasul 6:8 Referans Kwoze

Rasul 7:55

Duma de o Gurumi Datetebi Awi kuasa o Stefanus womamataga o sorogaye, de una wakelelo o Gikimoi Awi mulia isiru-siru ma rabaka de o Yesus womaokoye Awi girinaka.

Rasul 6:5

O bi rasul manga duga de manga sidailako magena ona yangodu isimote daloha. So kagena de ona o nyawa yatumudingi yahiri, ena gena moi awi ronga o Stefanus, una magena awi piricaya daputuru de lo awi sininga daasu-asu o Gurumi Datetebi wapareta, komagena lo yahihirika o Filipus, o Prokhorus, o Nikanor, o Timon, o Parmenas de lo o Nikolaus, una magena awi sihino o Antiokhia ma kotano de una o Yahudika ma nyawa wisowo duma idodomasi o Yahudika manga agama asa wamoteka.

1 Timotius 3:13

Nakoso ona la o nyawa ipipiricaya yaleleani daloha, de o nyawa asa yahoromati de ona lo aku yobarani isibicara ma ngale to ona manga piricaya o Yesus Kristuska.

Rasul 6:15

De o orasi magena o nyawa yangodu o Mahkamah Agama ma rabaka iwidekeri o Stefanuska, de asa iwikelelo to una awi jamani koloko ka o malaikat.

Rasul 6:10

Duma o nyawa moi lo iwisango yaakuwa, sababu o Stefanus wobicara de o Gurumi Datetebi ma cawaro.

Rasul 8:6

Ma orasi o bi nyawa yadadala yoiiseka o Filipus wobicara de ona yakokeleloka o nonako ihahairani waaaka, de o nyawa yadadala magena manga sininga yadahe o kia o Filipus wotetemo gena.

Rasul 6:3

So, ai dodiao nipipiricaya, nakoso daloha, de hika niahiri o nyawa yatumudingi to ngini nia sidongirabano nianako icocawaro de o Gurumi Datetebi Awi kuasa daasu-asu manga sininga wapareta, de asa ngomi ona magenaka miahike o oho ma roriwo ma manara.

Efesus 4:11

Una magegena o bi cocatu ngone o nyawa wonasitokuka. O cocatu kanaga wonahike ngone ma binuka la podadi o bi sosulo, de ma binukali kanaga o cocatu wonahike la Awi demo gena posingangasu, de ma binukali kanaga o cocatu wonahike la o habari daloloha posihabari, de lo ma binukali kanaga o cocatu wonahike la o gogobu padoto de lo pajaga.

Yohanes 4:48

Duma o Yesus wotemo una o kadato ma bobaretaka, “Nakoso Ngohi tinisikelelowa o nonako ihahairani, ngini asa Ngohi nipiricayawa.”