Rasul 5:38 - O GIKIMOI AWI JAJI ma BUKU

³⁸ So o bi gianongoru, o orasi manena tosidadu tinisibicara nginika, upa lo o kia naga moi niaaka o bi nyawa ona magenaka, duma niadohaka bato. Nakoso to ona manga dodoto magena ma sihino la o nyawano, done asa dasisaka so he isihabari kawa.

Rasul 5:38 Referans Kwoze

Matius 15:13

Una wotemo, “Dohaka o Farisika ma nyawa gena! Sababu o kia naga idadato la kanaga Ai Baba o sorogaka Awi dato dasowo, moi-moi magena dangodu igogou done asa irapu. O Farisika ma nyawa ona magena imatero maro o nyawa ipipilo de imakutuda ipipilo, sababu ona yanakowa o ngeko itotiai ikahika o Gikimoika. So nakoso o nyawa moi wopipilo de watuda o nyawa ipipiloli, de igogou yasinoto asa itura o busuneku.”

1 Korintus 3:19

Sababu o kia naga o dunia ma bi nyawa yanano koloko icocawaro, magena igogou ka ifufuma o Gikimoi Awi simaka. So imatero de o kia naga isilelefo Awi Jaji ma Buku ma rabaka itemo, “Ngaroko o nyawa yocawaro gena, dadoohawa, sababu manga sihaga ma rabaka o Gikimoi asa ona wasitura.”

Yohanes 11:48

So nakoso ngone powidoohawa, de igogou o nyawa he yangodu asa Una wipiricayaka. De nako imadadi komagena, de done o Romaka ma nyawa yahino kanena de nanga riho o Gikimoi Awi Tahu de nanga bangsa magena lo yabiau.”

Rasul 5:35

Dabolo de o Mahkamah Agama ma nyawa onaka magena o sitiari una wahike, de wotemo, “Ai dodiao de o ria de o gianongoru! Nimasosiningasi nakoso o kia naga niaaka o bi nyawa ona manenaka.

Markus 11:30

So hika ngini niasango, o Yohanes o nyawa waosi gena naguuna o haku wihike, o nyawano eko o Gikimoino.”