Rasul 5:33 - O GIKIMOI AWI JAJI ma BUKU

³³ Ma orasi o Mahkamah Agama ma nyawa iise to ona manga demo magena, de ona ifoloi yatoosa so imatekefakati la tanu o bi rasulka magena yatooma.

Rasul 5:33 Referans Kwoze

Rasul 7:54

La komagena o Mahkamah Agama o Stefanus awi bicara magena yoise, de ona foloi yatoosa.

Rasul 2:37

Ma orasi o nyawa ona magena yoise o demo magegena, ona manga sininga yaruwaheka. So ona imasano o Petruska de o bi rasul ma somoaka itemo, “O gianongoru, so ngomi manena bilasu o kia miaaka ma ngale mia manara datotorou magena.”

Yohanes 16:2

Igogou, done ma orasi asa imasidiado de ona ngini he nisimaha kawa nanga puji ma bi tahuka niwosa, sidago lo o nyawa nakoso ngini initoomaka, de ona asa yotemo manga dooma ma manara magena o Gikimoi wihoromati.

Matius 24:9

Mutuwade ngini done nitago la nisangisara de nitooma. De ngini manena o bi bangsa yangodu asa niduhudu sababu ngini Ngohi nimomote.

Matius 10:25

Ka daloha nakoso idadi o muri moi womaaka maro awi guru, de lo nakoso woleleleani moi womaaka maro awi tuangi. So nimajaga igogou, sababu Ngohi gena to ngini nia Jou, de ngini gena to Ngohi Ai nyawa imomote. Nakoso Ngohi isiaso o Beelzebul, o Iblis la kanaga o bi toka dangodu wakokolano, de ma boboloili ngini Ngohi nimomote done asa o ronga inigaka foloi datorou.”

Matius 10:21

Ma orasi he imasidiado, de ngini manena o nyawa yangodu asa niduhudu sababu ngini to Ngohi Ai muri-muri. Done asa idadi o bi nyawa manga gianongoru yasidoa o nyawa ma somoaka la yatooma. Komagena idadi de imaaka o baba de o ngopa. De lo o bi ngopa asa yalawangi manga baba de manga awa, so yasidoa o nyawa ma somoaka la yatooma. Duma nagoona manga piricaya Ngohika daputuru sidago o dunia ma dodogu imasidiado, ona magena done asa isalamati.

Rasul 22:22

So o bi Yahudika ma nyawa ona magena o Paulus awi bicara isigise, sidago wotemo asa una wotagi o bi nyawa o Yahudika yasowo. Dabolo de ona imatoore itemo, “O nyawa maro una manena gena bilasu upa wooho, so powitoomaka bato!”

Rasul 9:23

O orasi muruo naga ipasa dabolo, de o Yahudika ma nyawa imatotolomu de imatekefakati ma ngale o Saulus witooma.

Yohanes 15:20

Niososininga to Ngohi Ai demo tinisingangasu idoma nginika gena, ‘O nyawa la ibileleleani, ona yaakuwa itemo ona dede una wapopareta gena, ona foloisi yolamo. Yaakuwa yotemo komagena.’ Komagena so, nakoso o nyawa o duniaka ona Ngohi isangisaraka, done ona asa ngini lo inisangisara. De lo nakoso ona la kanaga to Ngohi Ai dodoto yosigise, de komagena to ngini nia dodoto lo asa ona yosigise.

Lukas 20:19

O bi guru agama de lo o imamka ma bi sahe to Una Awi ade-ade gena yoise, de ona yanako Una wasimeta onaka. So kagena de ona imasikadailako la o orasi magenaka tanu Una iwitago. Duma ma ngale ona yamodo o bi nyawa yadadala, so ona idadi kawa yaaka.

Lukas 6:11

Kagena de o bi Farisika de lo o bi guru agama ona magena igogou yatoosa bai! So ona itagi imatekefakati, la ma ngale o kia bato aku yaaka o Yesuska.

Matius 1:19

Ma bobai o Yusuf una magena o gohiduuru moi awi sigogise daloha o Jou Awi bobitaka de wacoho itiai. Komagena so awi sininga ma edekati gena wosipongoka, de wositatapu bilasu ma bobai womiholu de upa womikawi gena o nyawa moi lo upa yanako, ma ngale muna upa womisimade o kawasa manga simaka.