Rasul 5:14 - O GIKIMOI AWI JAJI ma BUKU

¹⁴ De o bi nyawa iwipipiricaya o Jou Yesuska foloisi idogo-dogo de yahino imatolomu, bai yanau bai lo o ngopedeka, so ona magena foloisi yadala.

Rasul 5:14 Referans Kwoze

Rasul 2:47

de ka cawali o Gikimoi wigiliri so o Yerusalemka ma nyawa lo yadupa onaka. O wange isigeto-geto o bi nyawa wasisosalamatika o Jou wodogo so o nyawa wipipiricaya magena foloisi yadala.

Galatia 3:28

Nakoso kanaga ngini de o Yesus Kristus nimatekerimoika gena, ma edekati kanaga o Yahudika ma nyawa eko o Yahudika ma nyawa yasowo lo ka nimaketero, eko yanau eko ngopedeka lo ka nimaketero, de lo o bi gilalo eko igogilalowa lo ka nimaketero. Sababu ngini ningodu gena ka nimaketero nakoso dede o Yesus Kristus nimatekerimoika.

Rasul 22:4

Idomaka ngohi lo o bi nyawa yopipiricaya o Yesus Awi dodotoka, bai yanau de lo o ngopedeka, ngohi tapiliku de tarate de o buika tasingosaka, so ona magena ngohi tasangisara datubuso sidago lo yamuruo naga ngohi tatooma.

Rasul 9:42

De o nonako ihahairani magena o Yope ma nyawa yangodu yogiise de yanako, so o bi nyawa yadala o Jou iwipiricayaka.

Rasul 9:35

O Lidaka de o Saron ma soaka ma kawasa yadala iwikelelo o Eneas, so yangodu o Jou iwipiricayaka.

Rasul 9:31

Komagena so o bi gogobu dangodu o Israel ma tonaka, ena gena o Yudeaka, o Galileaka, de lo o Samariaka, ona gena isangisara kawa so isohika. De o bi gogobu magena foloi yadala, sababu de o Gurumi Datetebi ma roriwo ona magena foloi yasiputuru, de manga oho ma rabaka gena ka o Jou iwihoromati.

Rasul 9:2

de o surati kuasa womagolo ma meta o bi puji ma tahu ma bi sahe o Damsyik ma kotaka, la tanu wisimaha kagena wahika de wamake o bi nyawa ona magena o Jou Yesus iwipipiricaya, bai yanau de lo o ngopedeka, gena aku watago de wangaho o Yerusalemka.

Rasul 8:12

Duma ona magena yopiricaya ma orasi o Filipus wasihabari o habari daloloha ma ngale o Gikimoi asa wopareta maro o kolano moi de lo o Yesus Kristus Una magena to ona manga Salamati ma Kolano, so yanau de lo o ngopedeka ona yangodu yaosika.

Rasul 8:3

Duma o Saulus una magena awi edekati waaka ma ngale o gogobu wasisa, so wotagi o tahu wageto, o nyawa ipipiricaya yanau eko lo o ngopedeka walilia la o bui ma tahuka wasingosa.

Rasul 6:7

La imaaka komagena, so o bi nyawa o habari daloloha isigogigise de ipipiricaya foloisi yadala. De o Yerusalemka o bi nyawa ipipiricaya foloisi idogo-dogo de o bi imamka lo yadala imote de ipiricayaka.

Rasul 4:4

Duma o bi nyawa o Petrus de o Yohanes manga dodoto yoiiseka gena, yadadala o Yesus iwipiricayaka. So o orasi magena o nyawa ipipiricaya manga dala yodogo kali so yangodu he yacala motoha.

Rasul 2:41

So kagena de o bi nyawa o Petrus awi demo yopipiricaya, ona magena yaosika, so o wange magena o nyawa ipipiricaya manga dala idogo kali yacala saange.

2 Korintus 6:15

De lo idadiwa ma Kristus de o Iblis imatekefakati. So idodooha ka daloha nakoso o nyawa ipipiricaya kanaga imarimoi dede o nyawa ipipiricayawa.