Rasul 4:18 - O GIKIMOI AWI JAJI ma BUKU

¹⁸ Mutuwade ona yaaso yasinoto magena la iwosa kali, de yangamo itemo, “Dabolosi o Yesus niwisihabari eko ma ngale o Yesus gena upa he o nyawaka niadoto.”

Rasul 4:18 Referans Kwoze

Rasul 5:40

So kagena de o bi rasul magena yaaso iwosa kali, de yasulo la yangangapo, de yasibobita ma ngale o Yesus gena yaaku kawa o bi nyawaka isihabari. Daboloka asa o bi rasul magena yapalako.

Rasul 5:20

“Hika nitagi o Gikimoi Awi Tahuka, de niasingangasu o bi nyawaka o demo dangodu ma ngale o oho ikokakali manena.”

Rasul 1:8

Duma bilasu ngini nianako ma orasika done asa o Gurumi Datetebi wouti de wowosa nginiku de o Gikimoi winihike o kuasa, la ngini nidadi Ai saksi ma ngale Ngohi o Yerusalemka, o Yudea ma daera ma sigilolika, de o Samaria ma daeraka de sidago lo o dunia ma pupuku ihaka.”

Rasul 5:28

wotemo, “Ngomi gena he minisimaha kawa de minisulo daboloka, upa lo ngini o bi nyawa niadoto kali de o nyawa Una magena Awi dodoto. Duma o orasi manena ngini masirete niaaka kali. Ce! So ngini o dodoto magena nisihabari o Yerusalem ma sigilolika, de ngini o ronga ma dorou nimigaka sidago nitemo o nyawaka, igogou de o sababu ngomi miaka sidago o nyawa Una magena wosone.”