Rasul 27:32 - O GIKIMOI AWI JAJI ma BUKU

³² So o deru ma awa magena yadehe waasi, de o bi prajuritka ona magena idomaka o deru ma awa ma bobiliku yaogu so o teoku yaturaka.

Rasul 27:32 Referans Kwoze

Lukas 16:8

Una awi arata ma jojaga, awi sininga itotiaiwa gena, o bi moi-moi kiaka waaakaka magena, wokakaya woise de una ka wisigiliri, sababu igogou una magena wocawaro wosidailako ma ngale awi oho o orasi ma simaka. Sababu o bi nyawa o Gikimoi wihoholu de manga oho yaaturu de manga dodiao, ona magena yocawaro ifoloi de o bi nyawa kiaka o Gikimoi Awi nitaka yogogoge, duma yocawarowa, sababu imasidodiahiwa yaaturu ma ngale manga oho o orasi ma simaka kagena o sorogaka.

Yohanes 2:15

Magena wakeleloka, de Una asa o ngangapo moi waaka o iwino la idadi maro o cambuk moi. De Awi cambuk magena, Una gila-gila o Gikimoi Awi Tahu ma lolohaka o nyawa ona magena wadusu de wasisupu. Wadusu ona maro o bolumoi-bolumoi, ona de manga sapi de lo manga duba. De lo ma binuka o pipi imatekesitagali ona manga meja waeha sidago lo manga pipi gena ihaja imakokitingaka.

Rasul 27:31

So kagena de o Paulus wotemo o prajuritka de to ona manga saheka, “Nakoso o deru ma nyawa ona magena la o deru manena yodongosa, gena ngini ningodu manena nibodito.”

Rasul 27:33

So he daginita, de o Paulus wagegego ona bilasu iodo kasi, so wotemo, “De o wange manena so ngone nanga deka he o wange mogiowo de iha dabolo, de ka nia modo ma rabaka nitotamaha so o kia naga moi lo niaodo waasi.