Rasul 27:24 - O GIKIMOI AWI JAJI ma BUKU

²⁴ ‘He, Paulus! Ngona ma Kaisar Roma bilasu nowirisima, la ma ngale o Gikimoi Awi laha ngonaka so o nyawa ningodu nisiside gena upa nibodito, so ngaroko upa he nimodoli.’

Rasul 27:24 Referans Kwoze

Rasul 23:11

So o putu magena de o Jou Yesus wahino womaokoye o Paulus awi dateka, de wotemo, “Ai ngopa, ani sininga naputuru de upa lo nimodo, sababu o kia ngona nosingangasu dabolo o Yerusalemka ma ngale Ngohi, komagena lo igogou asa ngona nosingangasu kali o Romaka.”

Matius 10:28

Upa sidago ngini nimodo o nyawa la kanaga yodupa nia rohe yatooma, sababu ma ngale to ngini nia jiwa yatotooma gena ona manga kuasa ihiwa. Duma ka o Gikimoi Una magena niwimodo, sababu Una kanaga de Awi kuasa ma ngale nia rohe de lo nia jiwa gena o narakaka wasisa.

Yakobus 5:16

So nakoso kanaga ngini la de nia dorouka, hika ngini nimangaku kasi moi de moika, komagena lo ngini moi de moika gena hika nimasumbayang, la ma ngale o Jou aku winisiloha. Sababu o nyawa nakoso kanaga manga sininga itotiai de manga sumbayang yatide o Jouka, gena ma ngale Awi laha foloisi ilamo aku idadi.

Rasul 9:15

Duma o Jou Yesus wotemo unaka, “Notagi bato! Sababu Ngohi towihiri una ma ngale to Ngohi Ai manara wamoku, ena gena una wosihabari ma ngale Ngohi kiaka o Israel ma nyawaka, de o nyawa o bi bangsa ma somoaka, de lo manga kolanoka.

Dodadi 19:29

So ma orasi o Gikimoi o kota sinoto de lo o ponga ma pido magena wasisa, de Una gena o Abraham awi gogolo wosininga so o Lot lo aku wisisupu de wisiloda o bodito ma rabano.

Gogelelo 1:17

So ma orasi Una ngohi towikelelo, de ngohi asa tobukuku de tosuba to Una Awi simaka, tobicara taakuwa de tomomi lo taakuwa koloko o nyawa isosone. Kagena de Una Awi gia ma girina wahado ngohiku, de wotemo, “Ngohi manena o oho ma nonomaka de lo ma dodoguka asa ka tooho sidutu ikakali. Sababu Ngohi lo Una Woooho so ngaroko idoma tosoneka, duma Ngohi gena asa tooho ka sidutu ikakali. Ngohi tapareta o sone ma buturu de lo o nyawa manga sone ma orasi. Komagena so, ngaroko, ngona upa nimodo.

Rasul 27:37

Ngomi mingodu o deru magena ma rabaka gena mia dala ya-276.

Dodadi 15:1

O bi moi-moi idadi gena ipasaka, de o Abram asa o gogelelo moi wamake, de o Jou wotemo unaka, “Abram, upa ngona nimodo. Done Ngohi asa tonisirese o bodito ma rabano, de tonihike o loha ma fanggali foloisi ilamo.”

Dodadi 12:2

Ngohi asa tonihike ngonaka ani ngopa de ani dano lo yadala sidago idadi o bangsa ilalamo. Ngohi lo tonisidumu Ai laha. Ma ngale ngona so o nyawa ma binuka lo o loha yamake. Ngohi lo taaka ani ronga ilamo o nyawa yadadalaka la yanako.

Rasul 27:44

Komagena de ma binukali wasulo itobo ituuru, ma ngale o deru ma ifa ipopoloteka eko ma ifa ma leletaku kagena imasigocoho. Ngomi mingodu awi beseso magena miamote de miaaka sidago o dududusa miaado de misalamati.

Rasul 25:11

De nakoso ngohi la o dorou moi taakaka sidago ngohi bilasu itooma, ngaroko ngohi tosone lo dadoohawa. Duma de manga galaki ikokulai magena moi lo yaakuwa ngohi isidoa o Yahudi manga roririka. Ma sababu moi-moi magena ngohi togoloka la ngohi asa itailako de ihakim ma Kaisar Romaka.”

Rasul 19:21

Dangodu magena daboloka, de o Gurumi Datetebi iwisingangasu o Pauluska, so o Paulus wasitatapuka asa wotagi kasi o Makedonia ma daeraka de o Akhaya ma daeraka, dabolo de asa woliho wokahino kali o Yerusalemka, so wotemo, “Kadoka la taado daboloka, de ngohi bilasu o Romaka totagi kasi.”

Yohanes 11:9

Una gena wanakoka Awi orasi wosone magena yaado waasi, so wasango de wotemo onaka, “Dadoohawa, manena ka o wangesi. Nakoso o nyawa la itagi o wawange gena, ngaroko o kia moi kagena naga, onaka asa upa lo idadi o fafati moi, sababu o dunia manena gena o nita yodisiwaka so ona yakeleloka.

Matius 10:18

De lo ngini asa ningaho o bobaretaka eko o kolanoka ma sababu ngini to Ngohi Ai muri-muri. So magena to ngini nia orasi daloloha moi la ma ngale Ngohi de o habari daloloha gena niasingangasu onaka de lo o nyawa ma somoasi, ena gena o Yahudika ma nyawa yasowo.

Dodadi 46:3

De o Gikimoi wotemo, “Nakoso to ngona ani Gikimoi de lo to ngona ani baba awi Gikimoi gena Ngohi manena dabolo. So ma ngale nouti nakahuku o Mesir ma dokuku gena upa he ngona nimodo. Sababu kagena done asa Ngohi taaka so to ngona ani ngopa de ani dano manga ronga gena asa ilamo.

Dodadi 39:23

Dangodu magena waaturu so o bui wapopareta una magena he wafikiri kawa. Sababu o Jou gena kanaga de o Yusuf, so o moi-moi o kia-kia bato waaaka gena dangodu ka idadi daloha.

Dodadi 39:5

So ato witide daboloka, de ka ma ngale Yusuf gena o Jou asa Awi laha wosidumu o jojaga manga bobareta una magenaka. Wosidumuka, so una awi moi-moi dangodu idadi daloha, bai awi raki gena isopo daloha, bai awi alamu foloisi idogo-dogo.

Dodadi 30:27

Duma o Laban wotemo unaka, “Dangodu magena maha de to ngona ani sininga ma loha ngohika. Sababu o nonako tamake de tanakoka, igogou o Jou Gikimoi Awi laha ilamo ngohika gena ma ngale ngona lo kanaga ai tahu ma rabaka.

Rasul 27:31

So kagena de o Paulus wotemo o prajuritka de to ona manga saheka, “Nakoso o deru ma nyawa ona magena la o deru manena yodongosa, gena ngini ningodu manena nibodito.”

Rasul 27:42

So kagena de o bi prajuritka yafakati ma ngale o bui ma nyawa magena yatooma, upa sidago sadine itobo o dududusa de iloda.

Filemon 1:22

De kanaga ai gogolo moili gena tanu o ngihi moi nosidailako ma ngale ani tahuka asa tomasidodogu. Sababu ngini nia sumbayang niatide o Gikimoika ma ngale ngohi, so ngohi tongongano Una asa o bui ma rabano woisisupu la aku tokahika kali nginika.