Rasul 25:5 - O GIKIMOI AWI JAJI ma BUKU

⁵ So foloi daloha nakoso kanaga de nia roriri yamuruo naga toliho de ona lo imote la mimakangaho dede ngohi, de nakoso igogou o dorou moi una waakaka, de dohaka la ona asa iwikalaki.”

Rasul 25:5 Referans Kwoze

Rasul 25:25

Duma ngohi tamakewa una manena o dorou moi lo waaka sidago una bilasu iwitooma. Sababu una masirete wogolo ngohika la towisidingo ma Kaisar Romaka la una asa iwitailako, so komagena ngohi tositatapuka asa una wotagi.

Rasul 25:16

Duma ngohi totemo onaka idadiwa, sababu ngomi o Kaisar Roma ma bobareta gena mia biasa bilasu o nyawa moi de kiaka o nyawa yokokalaki ona magena imatekerisima kasi la ma ngale manga galaki magena una wasinako itiai, daboloka de asa aku wifanggali.

Rasul 24:8

De wasulo nakoso o nyawa nagoona la wikalaki, bilasu ona itagi kadoka o Felikska.] La tanu ngona masirete nowisasano, de asa ngona nanako kiaso o moi-moi dangodu magena waaka so sidago ngomi una miwikalaki.”

Rasul 23:30

Daboloka asa o nyawa isingangasu ngohika, kanaga o Yahudika o bolu moi manga edekati ma dorou so imatekefakati la una iwitooma. Mutuwade o orasi magegena dabolo de o nyawa una manena ngohi towitota ngonaka. De ona iwikokalaki magena ngohi tasuloka bilasu manga galaki magena isidiado ngonaka. Ngohi o prajurit manga kapita Klaudius Lisias O Yerusalemka

Rasul 18:14

So kagena de o Paulus tanu wasango, duma idomaka o Galio wotemo o Yahudi ma nyawaka magena, “Ce, ngini o Yahudika ma nyawa! Nakoso niwikalaki la una magena wotosi eko wotooma gena, nia galaki magena ngohi bilasu tosigise.

Rasul 25:4

Duma o Festus wasango onaka wotemo, “O Paulus gena kadoka o Kaisareaka o prajurit ona wijaga de ngohi masirete lo kanena itekawa, so sutusi de toliho kali.

Rasul 25:6

So o Festus kagena o Yerusalemka wogoge nagala o wange tupaange eko mogiowo dabolo, de una woliho kali o Kaisareaka. Ma langino gila-gila una waaka o sidang so wapareta o Paulus iwingoso de iwingaho awi simaka ma ngale iwihakim.