Rasul 25:12 - O GIKIMOI AWI JAJI ma BUKU

¹² So kagena de o Festus de awi mahkamah ma nyawa imatekesikadailako, dabolo de wotemo o Pauluska, “Sababu ngona masirete nagolo la ma Kaisar Roma wonitailako de wonihakim, so o orasi manena asa ngona tonisitota kadoka ma Kaisarka bato.”

Rasul 25:12 Referans Kwoze

Filipi 1:20

Magena imatero maro ngohi ai ngongano foloi ilamo gena, ngohi manena o orasi moi lo upa he imade. De ngohi ka ma nonomasi sidago lo o orasi manena bai tooho bai lo tosone gena, ngohi de ai baranika tobicara de taaka la ma Kristus bilasu wisihoromati.

Rasul 19:21

Dangodu magena daboloka, de o Gurumi Datetebi iwisingangasu o Pauluska, so o Paulus wasitatapuka asa wotagi kasi o Makedonia ma daeraka de o Akhaya ma daeraka, dabolo de asa woliho wokahino kali o Yerusalemka, so wotemo, “Kadoka la taado daboloka, de ngohi bilasu o Romaka totagi kasi.”

Rasul 28:16

De ma orasi o Roma ma kotaka mimasidiado, o Paulus gena o prajuritka manga sahe aku wisimaha una wotagi de o prajuritka wijajaga moi so ona igoge imakatahu moi.

Rasul 26:32

De ma Kolano Agripa wotemo o Festuska, “Nakoso una upa wagolo ma Kaisar Romaka asa witailako la wihakim gena, daloha ilaku una nowipalakoka.”

Rasul 25:21

Duma o Paulus woholu de wogolo wotemo, ‘Nakoso yaaku, de ngohi kanena o bui ma raba kasi sidago lo ai hali manena bilasu ma Kaisar Roma asa watailako la wahakim.’ Ma sababu magena so ngohi tapareta la wijajaga kasi, sidago o orasi daloloha moi tamake de asa una magena towisidingo kadoka ma Kaisar Romaka.”

Rasul 23:11

So o putu magena de o Jou Yesus wahino womaokoye o Paulus awi dateka, de wotemo, “Ai ngopa, ani sininga naputuru de upa lo nimodo, sababu o kia ngona nosingangasu dabolo o Yerusalemka ma ngale Ngohi, komagena lo igogou asa ngona nosingangasu kali o Romaka.”

Matius 22:17

Komagena so hika nomisingangasu, to Ngona Ani sininga ma rabaka gena o kia. Ka daloha o balastengi pofangu ma Kolano Wilalamo ma Kaisarka, eko upa.”

Rasul 25:11

De nakoso ngohi la o dorou moi taakaka sidago ngohi bilasu itooma, ngaroko ngohi tosone lo dadoohawa. Duma de manga galaki ikokulai magena moi lo yaakuwa ngohi isidoa o Yahudi manga roririka. Ma sababu moi-moi magena ngohi togoloka la ngohi asa itailako de ihakim ma Kaisar Romaka.”

Rasul 25:13

So kagena o wange muruo naga ma Kolano Agripa de ma bira ongo Bernike imasidiado o Kaisareaka, ma ngale o Festus maro o gubernur wimomuane moi so yahika iwisimore.

Rasul 27:1

So ma orasi isitatapu daboloka ma ngale o Paulus de ngomi o deruku mipane la miside mikahika o Romaka gena o Italia ma daeraka, so de mimajobo o Paulus de o nyawa yamuruo naga o bui ma rabaka yasisaraha o Yuliuska, una magena ma Kaisar awi prajurit yaratu moi manga sahe.