Rasul 25:11 - O GIKIMOI AWI JAJI ma BUKU

¹¹ De nakoso ngohi la o dorou moi taakaka sidago ngohi bilasu itooma, ngaroko ngohi tosone lo dadoohawa. Duma de manga galaki ikokulai magena moi lo yaakuwa ngohi isidoa o Yahudi manga roririka. Ma sababu moi-moi magena ngohi togoloka la ngohi asa itailako de ihakim ma Kaisar Romaka.”

Rasul 25:11 Referans Kwoze

Rasul 28:19

Duma o Yahudika manga roriri ona isiholu yagogou, so ngaroko ngohi ai sala moi lo ihiwa ma ngale ai gianongoru o Yahudika bilasu takalaki, duma ai mamalo ma rabaka itemo bilasu tagolo la ngohi asa itailako de ihakim kanena ma Kaisar Romaka.

Rasul 26:32

De ma Kolano Agripa wotemo o Festuska, “Nakoso una upa wagolo ma Kaisar Romaka asa witailako la wihakim gena, daloha ilaku una nowipalakoka.”

Rasul 25:25

Duma ngohi tamakewa una manena o dorou moi lo waaka sidago una bilasu iwitooma. Sababu una masirete wogolo ngohika la towisidingo ma Kaisar Romaka la una asa iwitailako, so komagena ngohi tositatapuka asa una wotagi.

Rasul 25:21

Duma o Paulus woholu de wogolo wotemo, ‘Nakoso yaaku, de ngohi kanena o bui ma raba kasi sidago lo ai hali manena bilasu ma Kaisar Roma asa watailako la wahakim.’ Ma sababu magena so ngohi tapareta la wijajaga kasi, sidago o orasi daloloha moi tamake de asa una magena towisidingo kadoka ma Kaisar Romaka.”

1 Tesalonika 2:15

O Yahudika ma nyawa manga bobareta, ona magena itagi itooma bai o Jou Yesus bai lo o bi nabi idodomaka. De ona lo imisangisara ngomi so misisupu de miloda. Komagena ona o Gikimoi iwilawangi de lo o nyawa ma somoa yangodu yaholu.

Rasul 25:10

De o Paulus wotemoli unaka, “Ma Kaisar Roma wonisitatapu gena ngona nodadi hakim de o orasi manena ngohi ani simaka, so o riho manenaka bilasu ngona noitailako. De ngona masirete lo foloi nanako ma ngale o Yahudi manga roririka gena igogou ngohi ai sala ihiwa.

Rasul 22:25

Dabolo de o Paulus awi gia de o haiwani ma kahi isipiliku de yatau so imongohoka. Kagena awi dateka womaokoye o prajurit manga sahe moi, de o Paulus wotemo unaka, “Nakoso o nyawa moi ma baba o Romaka ma nyawa maro ngohi manena so nitailako waasi de ningangapoka gena, kanaga nanga bobitaka inasimaha, eko hiwa.”

Rasul 18:14

So kagena de o Paulus tanu wasango, duma idomaka o Galio wotemo o Yahudi ma nyawaka magena, “Ce, ngini o Yahudika ma nyawa! Nakoso niwikalaki la una magena wotosi eko wotooma gena, nia galaki magena ngohi bilasu tosigise.

Rasul 16:37

Duma o polisika magena o Paulus wasango wotemo, “Ngomi manena o Romaka ma nyawa, de o kiaso imitailako de imihakim lo waasi, de gila-gila o kawasa yadadala manga simaka de mingangapo de o buika misingosaka. De o orasi manena dadoohaso ona asa misulo mitagi de ngomi mimapongo-pongo! Ngomi gena miholu! So dohaka, la bilasu o Roma ma bobareta ona masirete yahino la ngomi misisupu.”

Rasul 25:12

So kagena de o Festus de awi mahkamah ma nyawa imatekesikadailako, dabolo de wotemo o Pauluska, “Sababu ngona masirete nagolo la ma Kaisar Roma wonitailako de wonihakim, so o orasi manena asa ngona tonisitota kadoka ma Kaisarka bato.”