Rasul 25:10 - O GIKIMOI AWI JAJI ma BUKU

¹⁰ De o Paulus wotemoli unaka, “Ma Kaisar Roma wonisitatapu gena ngona nodadi hakim de o orasi manena ngohi ani simaka, so o riho manenaka bilasu ngona noitailako. De ngona masirete lo foloi nanako ma ngale o Yahudi manga roririka gena igogou ngohi ai sala ihiwa.

Rasul 25:10 Referans Kwoze

2 Korintus 4:2

Duma o manara kiaka ngomi misimamade gena dangodu miamotewa, de o nyawa miakulaiwa, de lo o Gikimoi Awi demo gena miatagali miholu. O Gikimoi masirete kanaga wanano igogou ngomi gena cawali o dodoto o kia naga itotiai magena misihabari itiai, ma ngale o nyawa yadadala yatailako de asa yanako igogou so aku ngomi imipiricaya.

Rasul 28:18

So kagena ngohi itailako dabolo, de ai sala moi lo yamakewa ma ngale ngohi bilasu itooma, de mote ona manga dupa asa ngohi ipalako.

Rasul 26:31

so isupu ma duduka, de ona itemo moi de moika, “O nyawa una magena o dorou moi lo waakawa de sidago bilasu iwitooma eko o buika wisingosa.”

Rasul 25:25

Duma ngohi tamakewa una manena o dorou moi lo waaka sidago una bilasu iwitooma. Sababu una masirete wogolo ngohika la towisidingo ma Kaisar Romaka la una asa iwitailako, so komagena ngohi tositatapuka asa una wotagi.

Matius 27:18

O Pilatus wotemo komagena, sababu wosihoda o Yesus Awi sala ihiwa, ena momongo ma ngale manga sininga ma siri Unaka, so o Yahudika manga roriri Una iwitota.

Rasul 25:17

Mutuwade ma orasi o Yahudika ma bi roriri magena imasidiado o Kaisareaka la o Paulus iwikalaki, de ma langino gila-gila ngohi o sidang hakim taaka de tapareta so o Paulus wingoso.

Rasul 25:6

So o Festus kagena o Yerusalemka wogoge nagala o wange tupaange eko mogiowo dabolo, de una woliho kali o Kaisareaka. Ma langino gila-gila una waaka o sidang so wapareta o Paulus iwingoso de iwingaho awi simaka ma ngale iwihakim.

Rasul 23:29

De kagena asa ngohi tanako una iwikalaki gena sababu yodupa iwisano ma ngale o Yahudika manga bobita, duma ona iwikalakiwa ma ngale o dorou moi waaka so bilasu o buika wisingosa eko witooma.

Matius 27:19

So o Pilatus ka wogoge kusi kagena o hakim ma kursika, de ma pedeka ami sosulo imasidiado la mowidedemo unaka, “O nyawa Una Awi sala ihiwa, so upa nowisangisara bai! Sababu ma ngale Una magena so ka putuka o gogiolo ma rabaka de togoruga de ngohi ai sininga foloi isangisara.”