Rasul 22:28 - O GIKIMOI AWI JAJI ma BUKU

²⁸ So kagena ma kapita wotemoli o Pauluska, “Ngohi lo tofangu ilamo sidago tomadadika o Roma ma nyawa.” De o Paulus wotemo, “Duma ngohi manena ka isibuo kusi gena o Romano ma nyawa dabolo.”

Rasul 22:28 Referans Kwoze

Rasul 22:27

So kagena de ma kapita wotagi o Pauluska, de wisano, “Hika noisingangasu nositotiai, ngona manena igogou o Romano ma nyawa?” De o Paulus wotemo, “Tagogou, ngohi manena o Romano ma nyawa.”

Rasul 22:29

So de dabolo o prajurit manga dupa o Paulus iwingongangapo gena ona imasidosuka. De manga kapita asa iwinako igogou o Paulus gena o Romaka ma nyawa moi duma una wasulo o rate iwisipilikuka, so una lo wimodoka.

Efesus 2:12

O orasi magenaka de ngini gena kanaga de ma Kristus nimarimoi waasi, so maro o nyawa ma duduno so nimatingaka de o Yahudika ma nyawa, ona gena o Gikimoi Awi nyawa wahihirika. De o kia naga Una Awi nyawa wajajajika gena moi lo ngini niamake waasi, sababu ngini de Una gena nimakitingaka so upa he niongongano bai!

Efesus 2:19

So ngini nipipiricaya o Yahudika ma nyawa nisowo, ngaroko idomaka ngini inisieto maro o nyawa ma duduno, duma o orasi manena naga de ngini lo inisieto maro o Gikimoi Awi nyawa manga dodiao. Ngini nigoge ka o tahu moi dede to Una Awi ngopa-ngopa yangodu.