Rasul 22:25 - O GIKIMOI AWI JAJI ma BUKU

²⁵ Dabolo de o Paulus awi gia de o haiwani ma kahi isipiliku de yatau so imongohoka. Kagena awi dateka womaokoye o prajurit manga sahe moi, de o Paulus wotemo unaka, “Nakoso o nyawa moi ma baba o Romaka ma nyawa maro ngohi manena so nitailako waasi de ningangapoka gena, kanaga nanga bobitaka inasimaha, eko hiwa.”

Rasul 22:25 Referans Kwoze

Rasul 16:37

Duma o polisika magena o Paulus wasango wotemo, “Ngomi manena o Romaka ma nyawa, de o kiaso imitailako de imihakim lo waasi, de gila-gila o kawasa yadadala manga simaka de mingangapo de o buika misingosaka. De o orasi manena dadoohaso ona asa misulo mitagi de ngomi mimapongo-pongo! Ngomi gena miholu! So dohaka, la bilasu o Roma ma bobareta ona masirete yahino la ngomi misisupu.”

Rasul 25:16

Duma ngohi totemo onaka idadiwa, sababu ngomi o Kaisar Roma ma bobareta gena mia biasa bilasu o nyawa moi de kiaka o nyawa yokokalaki ona magena imatekerisima kasi la ma ngale manga galaki magena una wasinako itiai, daboloka de asa aku wifanggali.

Rasul 27:43

Duma o prajuritka manga sahe magena awi dupa la o Paulus wisisalamati, so una wasimahawa manga edekati magena yaaka. So ka wapareta nagoona aku itobo imatengo, de upa he o ifaka imasigocoho, hika imaumo idoma o teoku ma ngale itobo sadine o dududusa.

Rasul 23:17

So kagena de o Paulus wiaso o prajuritka manga sahe moi, de wotemo unaka, “Hika notagi o gohiduuru manena nowitota ma kapitaka, sababu o habari kia naga moi asa wodedemo unaka.”

Rasul 27:3

Ma langino ngomi mimasidiado o Sidon ma bobaneka. O Yulius una magena o Paulus wiriwo so aku wisimaha una magena wotagi awi dodiaoka, ma ngale ona kagena awi oho ma kurangi wihike unaka.

Rasul 27:1

So ma orasi isitatapu daboloka ma ngale o Paulus de ngomi o deruku mipane la miside mikahika o Romaka gena o Italia ma daeraka, so de mimajobo o Paulus de o nyawa yamuruo naga o bui ma rabaka yasisaraha o Yuliuska, una magena ma Kaisar awi prajurit yaratu moi manga sahe.

Rasul 10:1

Kanaga o Kaisarea ma kotaka o nyawa moi awi ronga o Kornelius, una o Yahudika ma nyawa wisowo de o Roma o Italiaka manga prajurit o bolu moino gena yaratu butanga ma kapita.

Matius 27:54

Ma kapita moi dede awi prajurit-prajurit o Yesus wijojajaga gena o osu de lo o kia naga idadadi magena yakelelo, de ona yamodo imasidotirineku, de yotemo, “We! O nyawa Una manena igogou o Gikimoi ma Ngopa!”

Matius 8:8

Ma kapita gena wosango, “Baba, ngaroko upa bai! Ngohi manena o Yahudika ma nyawa isowo, de Ani simaka gena o kia lo waali idahe so idadiwa ai tahuka toningaho. Nakoso daloha, tanu hitilahi Ngona nopareta ka o demo o dola moi de ai leleani gena asa wilohaka.

Matius 10:17

Nimajaga igogou, sababu ngini done nitago de ningaho o bi agama ma bobita yacocohoka. De ngini asa ningapo o puji ma bi tahu ma rabaka.

Rasul 22:26

So o prajurit manga sahe magena woise, de una wotagi de ma kapitaka wodedemo, “Baba, o nyawa una magena o Romano ma nyawa. De dadoohaso ngona nosulo so ona wiaka komagena.”

Rasul 23:27

Ngohi tonisihabari ngonaka o nyawa moi towisidingo ngonaka. Baba, una manena o Yahudika ma nyawa witagoka de tanu witooma. Duma ngohi de ai prajurit miahino miwideheka, de ngohi towinako igogou una manena o Romano ma nyawa so una towisisalamati o Yahudika manga gia ma sohano.