Rasul 22:22 - O GIKIMOI AWI JAJI ma BUKU

²² So o bi Yahudika ma nyawa ona magena o Paulus awi bicara isigise, sidago wotemo asa una wotagi o bi nyawa o Yahudika yasowo. Dabolo de ona imatoore itemo, “O nyawa maro una manena gena bilasu upa wooho, so powitoomaka bato!”

Rasul 22:22 Referans Kwoze

Rasul 25:24

So o orasi magena de o Festus wotemo, “Ai baba ma Kolano Agripa de o roriri ningodu mia simaka! O nyawa una manena gena o Yahudika ma nyawa he yangodu, bai o Yerusalemka de lo kanena o Kaisareaka, ona iwikalaki de igolo imatoore ngohika la una bilasu witooma.

Rasul 21:36

Ona magena o nyawa yadadala o Paulus awi duduno itotuuru de imanere isidadu-dadu itemo, “Una magena bilasu niwitoomaka!”

Yohanes 19:15

Duma ona asa imatoore, “Hika powisidasangahadi! Hika powisidasangahadi!” De wotemo, “Awadede! Dadoohaso bilasu towisidasangahadi to ngini nia kolano.” De o imamka ma bi sahe itemo unaka, “To ngomi mia kolano ma somoa gena wihiwa, cawali ka ma Kaisar gena kanaga.”

Lukas 23:18

Duma awi demo komagena yoise de yadadala ona magena imatoore, “Una nowitooma! O Barabas nowipalako de nomihike ngomika!”

1 Tesalonika 2:16

Komagena ona imilawangi ma ngale ngomi o habari daloloha upa misihabari o Yahudika ma nyawa yasowo la ona lo upa o Gikimoi wasisalamati. So maro o rube moiku la o ake poguse sidago iwedoka, komagena lo ona manga dorou lo foloisi imadogo sidago o dorou idala gena yaakaka. De ma ngale magegena igogou o Gikimoi wadoosa so asa wasisangisara foloisi datubuso onaka.