Rasul 21:6 - O GIKIMOI AWI JAJI ma BUKU

⁶ So kagena de ngomi moi-moi mimatekesiloloaka, de gila-gila ngomi mipane o deruku so ona lo iliho moi-moi manga tahuka.

Rasul 21:6 Referans Kwoze

Yohanes 19:27

De komagena o muri moi una magenaka wotemo kali, “Ai dodiao, kanena naga nominano maro ka to ngona ani awa masireteli.” So ka o orasi magenasi, de o muri moi magegena una ma awa gena womijaga daloha so igoge lo ka o tahu moi.

2 Korintus 2:13

Ngaroko komagena, duma to ngohi ai sininga ma rabaka iruwahe, sababu nanga dodiao wopipiricaya o Titus kagena towimake waasi de o habari woaho ma ngale ngini gena toise waasi. Komagena so ngohi o Troaska ma nyawa gena tadongosa de totagi tomajobo kanena o Makedonia ma daeraka.

Yohanes 16:32

Ma orasi he idumuka de igogou yaadoka, de ngini asa nimodo so nipiringaka moi-moi to ngini nia tahuka. Ngini asa niloda so Ngohi nidongosaka. Dadoohawa, Ngohi tomatengo kawa, sababu Ai Baba Una asa dede Ngohi.

Yohanes 7:53

Daboloka, de ona yangodu asa iliho moi-moi manga tahuka.

Yohanes 1:11

So Una asa wahino to Una Awi doku masireteka, duma Awi doku ma bi nyawa, ena gena o Yahudika ma nyawa, ona iwiholu.

Lukas 15:20

Magena de una womajoboka wokahika awi babaka. O tahuka de ma gaku kasi, de awi baba asa wikeleloka. De awi galusiri ibao so womagogora wisibubusu awi ngopa, de wimake una so wikololo de lo wihame.