Rasul 21:39 - O GIKIMOI AWI JAJI ma BUKU

³⁹ De o Paulus wotemo, “Hiwa, ngohi manena ai sihino o Yahudika ma nyawa o Tarsusno gena o Kilikia ma daera ma kota ilalamoka. Nako daloha, de noiriwo la noisimaha ngohi sutu tobicara o nyawa yadadala ona magenaka.”

Rasul 21:39 Referans Kwoze

Rasul 22:3

So gila-gila o Paulus womasinako itiai de wotemo onaka, “Ngohi manena lo o Yahudika ma nyawa moi. Ngohi o Tarsus ma kotano o Kilikia ma daeraka, duma ngohi manena isilamo gena o Yerusalemka. O Gamaliel una magena ngohi ai guru so igogou ngohi lo tomadoto tamote o Yahudika nanga bobita, kiaka to ngone nanga ete de nanga topora yacocoho so inahike ngoneka. De ngohi ai edekati ai manara moi-moi ma rabaka gena o Gikimoi towisihoromati, so imatero de o wange manena ngini kanena ningodu.

Rasul 9:11

De o Jou Yesus wisulo o Ananiaska, “Hika, nomasidailako la nomajobo notagi o ngeko magenaka kiaka isironga o Jalan Lurus. De kagena o Yudas awi tahuka nosano o Tarsus ma nyawa moi awi ronga o Saulus. O orasi manena naga una wosumbayang,

Rasul 6:9

Duma manga roriri yamuruo naga o Stefanus wisiholu. Ona magena o nyawa o bolu moi yogogilalo kawa, manga puji ma tahu ma ronga o Libertini de manga sihino o Kirene ma kotano de o Aleksandria ma kotano, ona de lo o nyawa ma binuka o Kilikia ma daerano de lo o Asia ma daerano yahika la de o Stefanus imatekesikoholu.

1 Petrus 3:15

Duma to ngini nia sininga ma rabaka bilasu nisitatapu ka cawali ma Kristus gena to ngini nia Jou niwisigogigise. Bilasu nimasidailako idoma kasi ma ngale nia piricaya de nia ngongano daputuru o Gikimoika, la o nyawa nagoona bato inisano nginika gena aku niasinako itiai.

Rasul 23:34

Ma orasi ma gubernur o surati magena wabacaka, de o Paulus iwisano wotemo unaka, “Ngona manena o daera kiano ma nyawa.” De o Paulus wosango wotemo, “Ngohi manena o Kilikiano ma nyawa.” Magena asa ma gubernur winako una o Kilikia ma nyawa,

Rasul 23:27

Ngohi tonisihabari ngonaka o nyawa moi towisidingo ngonaka. Baba, una manena o Yahudika ma nyawa witagoka de tanu witooma. Duma ngohi de ai prajurit miahino miwideheka, de ngohi towinako igogou una manena o Romano ma nyawa so una towisisalamati o Yahudika manga gia ma sohano.

Rasul 21:37

Ma orasi o Paulus o prajurit ma tahu ma rabaka he wisingosa, de una wosano ma kapitaka wotemo, “Baba, nako yaaku, de ngohi sutu tobicara ngonaka.” De ma kapita wotemo, “He! Ngona o bahasa Yunani ka nanako!

Rasul 16:37

Duma o polisika magena o Paulus wasango wotemo, “Ngomi manena o Romaka ma nyawa, de o kiaso imitailako de imihakim lo waasi, de gila-gila o kawasa yadadala manga simaka de mingangapo de o buika misingosaka. De o orasi manena dadoohaso ona asa misulo mitagi de ngomi mimapongo-pongo! Ngomi gena miholu! So dohaka, la bilasu o Roma ma bobareta ona masirete yahino la ngomi misisupu.”

Rasul 15:41

So ona yasinoto o Siria ma daeraka de o Kilikia ma daeraka itagi o bi doku yageto-geto, ma ngale o Paulus o bi gogobu manga piricaya wosiputuru.

Rasul 15:23

Komagena lo o gogobu magena isitatapuka bilasu manga surati isidingo o Antiokhia ma gogobuka, so manga surati ma demo gena itemo komanena: Salamati pomakamake o Yesus Kristus Awi dodara ma rabaka! O baba-baba de o awabira, o dodiao nipipiricaya o Yahudika ma nyawa nisowo, de nia soa ikukuruka o Antiokhia ma kotaka, de o Siria ma daeraka, de o Kilikia ma daeraka.

Rasul 9:30

Ma orasi o nyawa ipipiricaya ona yanako manga edekati komagena, ona o Saulus iwingaho o Kaisarea ma kotaka, dabolo de iwisidingo o Tarsus ma kotaka.