Rasul 21:31 - O GIKIMOI AWI JAJI ma BUKU

³¹ Ma orasi magena manga edekati o Paulus iwisidailako tanu he witooma, de ma ngale o Yerusalem ma rabaku o nyawa imakangamo ifoloi so o nyawa itagi iwidedemo o prajurit manga kapitaka.

Rasul 21:31 Referans Kwoze

Rasul 17:5

Ma ngale o nyawa yadala o Paulus iwidodiao, so o Yahudika ma nyawa yamuruo naga yatoosa. So kagena de ona o bi nyawa ma dorou de ibobusengi, yomomanarawa so yogogeku o dolomu ma riho kagena, yaaso de yasigaro, so yatolomu sidago ona yangodu imatekerimoi la o ruwahe yaaka o kota ma rabaka. De o nyawa moi, awi ronga o Yason, to una awi tahu ma ngoraka yodolomu la ma ngale o Paulus de o Silas yasari de yasisupu o kawasa manga simaka.

Rasul 25:23

So ma langino ma Kolano Agripa awi kolano ma juba womasitibaku de una de ma bira ongo Bernike itagi de to una awi prajurit ma bi kapita de lo o dodihimo o kota ma nyawa yahohoromati, de gila-gila ona iwosa ma gubernur awi mahkamah ma rihoka. Dabolo de o Festus wapareta la o Paulus iwingahono manga simaka.

Rasul 24:22

Ma Gubernur Feliks, una lo wanako idalaka ma ngale o Yesus Awi dodoto, so wosigila-gila waasi duma wojaji onaka, de wotemo, “Done ma kapita o Lisias wahino, de awi demo toiseka asa ngohi nia hali manena tatailako de tositatapu.”

Rasul 24:6

De kanaga lo awi edekati ma dorou moi tanu waaka o Gikimoi Awi Tahuka. Duma una waaka waasi, de ngomi miwitagoka. [To ngomi mia dupa miamote to ngomi mia bobita masirete la una asa miwihakim.

Rasul 23:17

So kagena de o Paulus wiaso o prajuritka manga sahe moi, de wotemo unaka, “Hika notagi o gohiduuru manena nowitota ma kapitaka, sababu o habari kia naga moi asa wodedemo unaka.”

Rasul 22:22

So o bi Yahudika ma nyawa ona magena o Paulus awi bicara isigise, sidago wotemo asa una wotagi o bi nyawa o Yahudika yasowo. Dabolo de ona imatoore itemo, “O nyawa maro una manena gena bilasu upa wooho, so powitoomaka bato!”

Rasul 21:38

Ngohi totemo nagala ngona manena o Mesirka ma nyawa moi, idodomaka o ruwahe ilalamo moi isidadi sidago o nyawa yacala iha una wangaho o tona ibobeleuka, la ona o Roma ma bobaretaka yakudoti.”

Rasul 10:1

Kanaga o Kaisarea ma kotaka o nyawa moi awi ronga o Kornelius, una o Yahudika ma nyawa wisowo de o Roma o Italiaka manga prajurit o bolu moino gena yaratu butanga ma kapita.

Yohanes 18:12

Dabolo de o prajurit, de ma kapita, de lo ona yojojajaga magena asa o Yesus iwitago de iwipiliku.

Yohanes 16:2

Igogou, done ma orasi asa imasidiado de ona ngini he nisimaha kawa nanga puji ma bi tahuka niwosa, sidago lo o nyawa nakoso ngini initoomaka, de ona asa yotemo manga dooma ma manara magena o Gikimoi wihoromati.

Markus 14:2

Duma ona magena itemo, “Upa lo paaka ma orasi o rarame ma rabaka, sababu done o gangamo posigoko.”

Matius 26:5

Duma ona magena itemo, “Upa lo paaka ma orasi o rarame ma rabaka, sababu done o gangamo posigoko.”

Matius 27:27

So o bi prajurit o Yesus wingaho ma gubernur awi mahkamah ma riho o kadato ma rabaka, de awi baru-baru dangodu imatolomu o Yesus iwisigilolino.

Rasul 26:21

De ma sababu komagena so o Yahudika yamuruo naga yahino so ngohi itago o Gikimoi Awi Tahu ma lolohaka, de tanu ngohi itooma.

Rasul 24:7

Duma ma kapita Lisias mia gia ma sohano wikooraka.