Rasul 20:37 - O GIKIMOI AWI JAJI ma BUKU

³⁷ De yangodu de manga kongo de manga sirangu ona iwikololo una so wihame kasi,

Rasul 20:37 Referans Kwoze

2 Timotius 1:4

Sababu tosininga ipapasaka ma orasi ngohi totagi de ngona tonidongosaka, kanaga de ani kongo de ani sirangu. So ngohi ai dupa foloi daputuru tanu ngona de ngohi aku pomakamake kali la ai sininga foloisi danali.

Gogelelo 21:4

So Una asa to ona manga sininga ma susa eko to ona manga o kongo gena, dangodu wapiki so wasisaka. De ona nagoona lo asa yosone kawa, yododora kawa, yoari kawa eko lo yasangisara kawa. Sababu o bi moi-moi idodoma dangodu asa isisaka.”

1 Tesalonika 5:26

De nia salam de nia siboso lo tanu nimatekesidiado nia dodiao o Yesus wipipiricaya ona yangoduka.

2 Korintus 13:12

To ngini nia salam de nia siboso lo tanu nimatekesidiado o nyawa moi de o nyawa moika. De kanena o Gikimoi Awi nyawa yangodu manga salam idala yosidingo nginika.

1 Korintus 16:20

De kanena o dodiao ipipiricaya yangodu manga salam idala yosidingo nginika. De lo nia salam de nia siboso lo tanu nimatekesidiado o nyawa moi de o nyawa moika.

Roma 16:16

De lo nia salam de nia siboso lo tanu nimatekesidiado o nyawa moi de o nyawa moika. Ma Kristus Awi gogobu o daera manenaka ona yangodu manga salam isidingo nginika.

Lukas 15:20

Magena de una womajoboka wokahika awi babaka. O tahuka de ma gaku kasi, de awi baba asa wikeleloka. De awi galusiri ibao so womagogora wisibubusu awi ngopa, de wimake una so wikololo de lo wihame.

Gogelelo 7:17

Sababu o Duba ma Goho Una kanaga o pareta ma kursi ma dateka, Una magena asa ona wajaga de watuda, de lo o ake ma jobubuka wangaho so yaudo la ona asa o Gikimoi Awi dateka ioho ka sidutu ikakali. Gena imatero maro o sowohi moi so awi duba-duba wajaga de lo watuda o ake ma jobubuka la wosiudo lo damatawa. De o Gikimoi Una magena to ona manga kongo manga lakoka dangodu gena asa wapiki.”

Dodadi 46:29

de o Yusuf wosulo awi padati isidailako la wopane. So wopaneku de wotagi wakahika o Gosyenka, la de ma baba imakamake. So womasidiado de ma baba wikololono de womadodagariku.

Dodadi 45:14

So de awi nali de awi moreka wikololo awi nongoru una magena, so woari wosodu-sodu. Komagena awi nongoru lo winali so woarika, de ona yasinoto imatekekololo.