Rasul 20:2 - O GIKIMOI AWI JAJI ma BUKU

² Wakiloli so o bi doku-doku lo wakurumi wagetoka, de awi demo moi-moi gena idala wasiduduga o nyawa ipipiricaya kagena igogoge. Dabolo de wotagi so womasidiado o Akhayaka, isironga lo o Yunanika.

Rasul 20:2 Referans Kwoze

1 Tesalonika 4:1

Ai dodiao nipipiricaya, ai demo ma dodogu talefoka, o kia ngini niaaka daboloka de idoma ngomi minidotoka bilasu niaaka gena, ma ngale o Gikimoi Awi dupa aku yamote. Igogou, bai ngomi bai ngini lo o Jou Yesus Awi dupa pamote, duma ngomi minibaja de migolo nginika bilasu dangodu magena niaaka foloisi nikaeli.

1 Tesalonika 2:3

Ma orasi ngomi miaaso la o nyawa o habari daloloha yopiricaya gena, ngomi de mia sininga igogou la upa o moi-moi ikokulai misibicara eko upa o moi-moi datotorou miodupa, so mia edekati lo ihiwa ma ngale o nyawa de miasihaga.

Kolose 1:28

De ma ngale Una ma Kristus gena ngomi misihabari o bi nyawa he yangoduka, bai o Yahudika ma nyawa bai lo o Yahudika ma nyawa yasowo gena, dangodu de mia cawaro ifoloi so miasisitiari de miadoto. La ma ngale o nyawa nagoona de ma Kristus imarimoika, done ma orasika ona magena miasirisima o Gikimoika, de maro ma Kristus wodudupa komagena lo to ona manga sininga ma dupa.

1 Tesalonika 2:11

De lo nianako maro o baba moi idodooha waaka awi ngopaka, so komagena ngomi lo miaaka nginika.

Rasul 20:11

Dabolo de o Paulus idaku wodola kali, so una de ngomi o Jou Yesus miwipipiricaya mimatolomuno, o odo datetebi gena miaaka so miodoka, de una dede ngomi mimatekesibobicara sidago misidoginitaku dabolo de asa una womajobo.

Rasul 17:10

De o dodiao ipipiricaya o Tesalonikaka yohawateri ma ngale o Paulus de o Silas asa yatooma, so o putu magena dabolo yariwo so o Paulus de o Silas aku itagi iloda o Berea ma kotaka. So ona imasidiado o Bereaka, de kagena o Paulus de o Silas itagi so iwosa manga puji ma tahuka.

Rasul 17:1

So o Paulus de o Silas imajobo kali de itagi o Tesalonika ma kotaka. De ona o Amfipolis ma kota de o Apolonia ma kota yatilaku, de asa imasidiado o Tesalonikaka, kiaka kanaga o Yahudika manga puji ma tahu moika.

Rasul 16:12

so de o Neapoliska miutika, de mimajobo kali mitatagi kagena mimasidiado o Filipi ma kotaka. O kota magena o kota ilalamo o daera moi o Makedonia ma kuasa ma rabaka, de lo ma nyawa o kota magenaka manga sihino o Romano. De o wange muruo naga ngomi kagena migoge.

Rasul 15:41

So ona yasinoto o Siria ma daeraka de o Kilikia ma daeraka itagi o bi doku yageto-geto, ma ngale o Paulus o bi gogobu manga piricaya wosiputuru.

Rasul 14:22

O bi doku magegenaka de ona o bi nyawa ipipiricaya yasiduduga la manga piricaya isitatapu o Yesuska, so itemo, “Bilasu ngone inasisangisara idala kasi, de asa powosa o Gikimoi Awi pareta ma rabaka.” Komagena ona manga piricaya isiputuru o bi doku magegenaka.

Rasul 2:40

De o Petrus wabaja de wogolo, so wotemoli onaka, “Hika niwisimaha la o Gikimoi winisisalamati, la upa sidago o bi nyawa ma dorou manga sangisara ma fanggali inidahe nginika bai!”

Lukas 3:18

Komagena o Yohanes una magena o habari daloloha gena wasihabari o nyawaka, de wabaja de wogolo onaka de o demo ma para idala la ona isigise.

Rasul 20:1

So o Efesuska ma nyawa imakangamo daboloka, de o Paulus o nyawa ipipiricaya kagena watolomuno, de awi siduduga ma demo wahikeka de womasiloloa onaka, so dabolo de una wotagi womajoboli o Makedoniaka.

Rasul 20:3

De kagena ma deka o ngoosa saange una wogoge, dabolo so womasidailako la tanu o deruku wopane de woside o Siriaka, de wanako o Yahudika ma nyawa manga edekati asa witooma so una he idadi kawa woside. So wositatapuka asa woliho kali o Makedoniano, so wotagi kagena o Filipi ma kotaka.

1 Korintus 4:19

Duma nako ma Jou wodupa, de iteka kawa ngohi asa tomasidiado kali nginika. So kagena de ngohi asa tanano o nyawa imasihihie gena o kia naga asa ona yaaka, la tanako igogou to ona de manga kuasa, eko hiwa de cawali ka manga demo bato.