Rasul 20:1 - O GIKIMOI AWI JAJI ma BUKU

¹ So o Efesuska ma nyawa imakangamo daboloka, de o Paulus o nyawa ipipiricaya kagena watolomuno, de awi siduduga ma demo wahikeka de womasiloloa onaka, so dabolo de una wotagi womajoboli o Makedoniaka.

Rasul 20:1 Referans Kwoze

2 Korintus 7:5

Maro todedemo idomaka, kagena ngomi o Troas ma kotaka de kanena miahino o Makedonia ma daeraka, duma ma orasi ngomi kanena mimasidiadoka gena, miamakewa to ngomi mia oho ma dame de ma sohi, sababu kiaka bato miahika o sangisara kanaga imidahe ngomika. Kanaga lo o nyawa ngomi imisiholu, de lo mia sininga ma rabaka lo ngomi de miamodoka. Igogou! Ngomi mia ngongano gena he isisa.

Rasul 19:21

Dangodu magena daboloka, de o Gurumi Datetebi iwisingangasu o Pauluska, so o Paulus wasitatapuka asa wotagi kasi o Makedonia ma daeraka de o Akhaya ma daeraka, dabolo de asa woliho wokahino kali o Yerusalemka, so wotemo, “Kadoka la taado daboloka, de ngohi bilasu o Romaka totagi kasi.”

1 Timotius 1:3

Ma orasi ngohi he tomajobo o Makedonia ma daeraka de ngohi tonibaja de togolo dabolo ngonaka, ngona bilasu nogogesi o Efesus ma kotaka. La nasulo o nyawa yamuruo naga o bi dodoto ikokulai gena o nyawaka bilasu upa he yadoto.

1 Tesalonika 5:26

De nia salam de nia siboso lo tanu nimatekesidiado nia dodiao o Yesus wipipiricaya ona yangoduka.

1 Korintus 16:20

De kanena o dodiao ipipiricaya yangodu manga salam idala yosidingo nginika. De lo nia salam de nia siboso lo tanu nimatekesidiado o nyawa moi de o nyawa moika.

1 Korintus 16:5

Ngohi todupa o Makedonia ma daeraka takiloli kagena takurumi. Daboloka, de ngohi asa tahino nginika.

Roma 16:16

De lo nia salam de nia siboso lo tanu nimatekesidiado o nyawa moi de o nyawa moika. Ma Kristus Awi gogobu o daera manenaka ona yangodu manga salam isidingo nginika.

Rasul 20:37

De yangodu de manga kongo de manga sirangu ona iwikololo una so wihame kasi,

Rasul 20:10

So kagena de o Paulus kudahu wouti de o gohiduuru magena awi rohe ma dokusa widomotuku so iwikololono, de wotemo onaka, “Una ka wooho kali, so upa he nihawateri bai!”

Rasul 16:9

De kagena so daputuku de o Paulus o gogelelo moi o Gikimoino wamake. O Makedonia ma nyawa moi asa womaokoye awi simaka, de wogolo wagegego de wotemo, “Hino la niatola o teo ma sonongaka, de ngomi o Makedoniaka nimiriwo kasi!”

Rasul 11:26

So ma orasi o Saulus iwimakeka, de una o Saulus iwingaho o Antiokhiaka. So kagena ma deka o taungu moi yogoge de o gogobu imatolomuno so o nyawa yadadala yadotoka. De o orasi magena kagena o Antiokhia ma kotaka ma nonomaka o bi nyawa ipipiricaya yasironga o Kristenka ma nyawa.

2 Korintus 13:12

To ngini nia salam de nia siboso lo tanu nimatekesidiado o nyawa moi de o nyawa moika. De kanena o Gikimoi Awi nyawa yangodu manga salam idala yosidingo nginika.

Rasul 16:12

so de o Neapoliska miutika, de mimajobo kali mitatagi kagena mimasidiado o Filipi ma kotaka. O kota magena o kota ilalamo o daera moi o Makedonia ma kuasa ma rabaka, de lo ma nyawa o kota magenaka manga sihino o Romano. De o wange muruo naga ngomi kagena migoge.

Rasul 20:2

Wakiloli so o bi doku-doku lo wakurumi wagetoka, de awi demo moi-moi gena idala wasiduduga o nyawa ipipiricaya kagena igogoge. Dabolo de wotagi so womasidiado o Akhayaka, isironga lo o Yunanika.

Rasul 20:3

De kagena ma deka o ngoosa saange una wogoge, dabolo so womasidailako la tanu o deruku wopane de woside o Siriaka, de wanako o Yahudika ma nyawa manga edekati asa witooma so una he idadi kawa woside. So wositatapuka asa woliho kali o Makedoniano, so wotagi kagena o Filipi ma kotaka.

Roma 15:19

Ai manara gena de o Gurumi Datetebi ma kuasa so taaku taaka o nonako ihahairani gena lo de ma kuasa. So o Yerusalemka de tokahika sidago o Ilirikumka, de o habari daloloha ma ngale ma Kristus gena ngohi tosihabari dabolo o nyawa yangoduka.