Rasul 2:37 - O GIKIMOI AWI JAJI ma BUKU

³⁷ Ma orasi o nyawa ona magena yoise o demo magegena, ona manga sininga yaruwaheka. So ona imasano o Petruska de o bi rasul ma somoaka itemo, “O gianongoru, so ngomi manena bilasu o kia miaaka ma ngale mia manara datotorou magena.”

Rasul 2:37 Referans Kwoze

Lukas 3:10

So yadadala iwisano unaka, “Nako komagena, de o kia bilasu miaaka.”

Rasul 22:10

So kagena de ngohi tosano kali totemo, ‘Ya, Jou, o kia bilasu ngohi taaka.’ De o Jou Yesus wosango ngohika wotemo, ‘Nomomi! De notagi o Damsyik ma kotaka nowosa. Kagena asa isingangasu o moi-moi dangodu o Gikimoi wositatapuka bilasu ngona naaka.’

Lukas 3:14

Kanaga lo o bi prajurit yahino iwisano unaka, “Nako ngomi gena o kia bilasu miaaka.” De una wotemo, “Upa o nyawa niagegego la manga arata inisidoa, de lo upa nia galaki itiaiwa ma ngale o nyawa manga pipi inihike. Idodooha nia gaji ma lamo gena ka niadehe de nia sininga isosanangi.”

Lukas 3:12

Komagena lo o balastengi ibitotolomu yahino o Yohaneska, la igolo ona waosi. De ona iwisano unaka, “Baba Guru, o kia bilasu miaaka.”

Yohanes 8:9

Duma Una Awi demo gena yoiseka, de ona moi-moi isolano itagi de ka imajobo. Ona yapopereki yodoma de ona ma binukali yotuuru, sidago ona yangodu he yahiwa-hiwaka. Sosoohu ka o Yesus womatengo de o ngopedeka muna magena kasi.

Roma 7:9

Idoma gena o bobita o Gikimoino tanako waasi, so ngohi masirete ai oho ma rabaka imatero maro ai dorou ihiwa. Ngaroko komagena, duma ma orasi ngohi asa o bobita gena tanako, de ai dupa datotorou aku isikelelo sidago ai sininga ma rabaka itemo, “Ce! Ngohi gena o Gikimoi Awi simaka igogou kanaga de ai dorouka bai! So igogou Una ngohi woihike woholu o oho ka sidutu ikakali.”

Rasul 7:54

La komagena o Mahkamah Agama o Stefanus awi bicara magena yoise, de ona foloi yatoosa.

Rasul 5:33

Ma orasi o Mahkamah Agama ma nyawa iise to ona manga demo magena, de ona ifoloi yatoosa so imatekefakati la tanu o bi rasulka magena yatooma.

Rasul 1:16

“Ai dodiao nipipiricaya ningodu! O kia isilelefo idomaka o Gikimoi Awi Jaji ma Buku ma rabaka, ena gena kiaka o Gurumi Datetebi wosingangasu o Daudka, ma ngale o Yudas gena womadadika o bi nyawa o Yesus witatago manga roriri la wangaho, magena bilasu idadi.