Rasul 2:31 - O GIKIMOI AWI JAJI ma BUKU

³¹ So ma orasi o Daud wotemo, ‘Una widoha kawa wogoge isosone manga boosuka, de Awi rohe upa lo iwaro de ibaka o boosuka,’ o Daud lo wotemo ma ngale una masirete gena wisowo, de lo wanako done o kia o Gikimoi asa waaka, so igogou wotemo ma ngale o Salamati ma Kolano done asa wooho kali.

Rasul 2:31 Referans Kwoze

Rasul 13:35

Komagena lo o gimina ma somoaka asa itemo, ‘Ngona nowidoha kawa Ani leleani wokokaeli Awi rohe o boosuka iwaro de ibaka.’

Matius 11:23

De lo nako ngini o Kapernaumka ma nyawa, gena idodooha. Ngini nitemo o Gikimoi asa ngini winitide de winisihie. We! Komagenawa bai! Duma ngini asa winiumo o narakaku. So tosiade nakoso o nonako ihahairani, kiaka taaaka to ngini nia dokuka, magena taakali o Sodom ma doku idodomaka, de igogou o doku magena o Gikimoi asa upa wabodito, so o doku magenena kanagasi sidago o orasi manena.

1 Korintus 15:4

De lo ma Kristus Una magena wipoosuka, de o wange saangeka de o soneno iwisioho kali, maro o kia naga isilelefo o Gikimoi Awi Jaji ma Buku ma rabaka.

Galatia 3:8

De lo idomaka o Gikimoi Awi Bukuka isilefo done o nyawa o Yahudika yasowo, nako Una wipiricayaka, done Una asa to ona manga sininga waaka itiai. De idodoma Una o habari daloloha asa o Abraham wisingangasuka wotemo, “Sababu ma ngale ngona done Ngohi asa o bangsa yangodu o duniaka Ai laha gena tasidumu.”