Rasul 2:30 - O GIKIMOI AWI JAJI ma BUKU

³⁰ Mutuwade ma orasi o Daud ka woohosi, una magena o nabi moi de wanako o Gikimoi wojaji sidago lo wosasi o Daudka gena, igogou una awi ngopa de awi dano moiku asa o Gikimoi witide la Una wokolano maro ka o Daud wokolano.

Rasul 2:30 Referans Kwoze

2 Petrus 1:21

Sababu o Gikimoi Awi nabi idodoma o demo isingongangasu magena upa o nyawa manga dupa masirete, duma ka Una Awi Gurumi Datetebi ma dupa so yodedemo.

2 Timotius 2:8

Bilasu ngona nosininga o Yesus Kristus, Una magena ma Kolano Daud awi ngopa de awi danoku, wosoneka de o Gikimoi wisioho kali. De o habari magegena tosingongangasu dabolo o nyawaka. Nakoso ani sininga komagena done ngona aku niputuru de nosabari o sangisara namoku.

Roma 1:3

O habari daloloha gena ma ngale to Una Awi Ngopa, Una magena o Yesus Kristus nanga Jou. De ma ngale Una magena wodadi maro o nyawa moi de Awi rohe gena, Awi sihino kanaga o Daud awi ngopa de awi danoku. Duma ma ngale Una Awi siningaka Awi gogoho o Gikimoino gena, kanaga o Gikimoi wonasinako igogou Una magena o Gikimoi ma Ngopa de Awi kuasa dapoputuru. Komagena wosinako ma orasi Una o sone ma rabano wisioho kali.

Markus 12:36

Salanta o Daud masirete lo de o Gurumi Datetebi ma kuasa sidago wiaso Una ma Jou, wotemo komanena, ‘O Jou Gikimoi wotemo ai Jouka: Nomatamiye to Ngohi Ai girinaka la Ai horomati namake sidago Ani saturu taaka la yahino inisuba Ngonaka.’ So nakoso igogou o Daud wiaso Una awi Jou, done imaaka idodooha so ona itemo, o Salamati ma Kolano Awi aheli ma sihino o Daudno.” O nyawa yadala kagena de ona magena yodupa yoise o Yesus wodoto.

Gogelelo 19:16

So to Una Awi jubaka de lo Awi uguka kanaga yalefoka o ronga moi, ena gena, O Jou Wilalamo de o Kolano Wokokuasa.

Gogelelo 17:14

Kagena ona dede o haiwani magena asa ikudoti iwilawangi o Duba ma Gohoka. Una magena o Jou wilalamo de o Kolano wipoputuru, so Una de to Una Awi nyawa wimomote gena aku to ona manga buturu yalawangi de asa lo yasisa. O nyawa ona wimomote gena o Gikimoi wahirika, so ngaroko yatooma, duma manga piricaya Unaka daputuru.”

Ibrani 7:21

Duma ma orasi o Yesus witideka la wodadi ma Imam Wilalamoka, o Gikimoi kanaga wosasi wotemo Unaka, “Ngohi, o Jou Gikimoi, manena tosasi, de lo o kia naga tositatapuka gena igogou de idadiwa tatagali, Ngona gena o imam moi ka sidutu ikakali.”

Ibrani 6:17

Komagena lo de o Gikimoi. Ma orasi Una idomaka wijaji o Abrahamka de lo awi ngopa de awi danoka, de Una magena wodupa wasinako itiai onaka Awi jaji gena akuwa itagali. Komagena so ma ngale Awi jaji gena wosiputuru so asa wosasi.

Ibrani 4:7

So komagena o dongoho moili o Gikimoi asa wositatapu, la o nyawa aku yogoge dede Una. De o dongoho magena, eko o orasi manena, de o wange kia to Una Awi ili gena poiise. Sababu ma nabi Musa de o taungu o ratu muruo naga ipapasaka, de ma Kolano Daud o demo wolefo, kiaka o ayati idomaka yaeetoka itemo, “Nakoso o wange manena ngini o Gikimoi Awi ili niise gena, upa nia sininga niatogoi.”

Ibrani 3:7

So hika ngini nimasosininga o sidapano ma demo o Gurumi Datetebi wodedemo, kiaka idomaka isilelefo o Gikimoi Awi Jaji ma Buku ma rabaka itemo, “Nakoso o wange manena ngini o Gikimoi Awi ili niise gena,

Roma 15:12

De kanaga lo ma nabi Yesaya walefo gena ma demo, “Done o nyawa moi o Isai awi ngopa de awi danoku witide la wokolano o Yahudika yasowo, o bi bangsa gena yangodu Unaka wingongano.”

Rasul 1:16

“Ai dodiao nipipiricaya ningodu! O kia isilelefo idomaka o Gikimoi Awi Jaji ma Buku ma rabaka, ena gena kiaka o Gurumi Datetebi wosingangasu o Daudka, ma ngale o Yudas gena womadadika o bi nyawa o Yesus witatago manga roriri la wangaho, magena bilasu idadi.

Lukas 24:44

Dabolo de Una wotemo onaka, “Manena o kia naga tinisingangasu nginika, ma orasi idomaka de Ngohi kanaga dede nginisi. O bi moi-moi ma ngale Ngohi, kiaka o Jou Awi bobita o Musa de lo o bi nabi ma somoa isilelefo ma Buku ma rabaka de lo o Mazmur ma Bukuka gena, dangodu bilasu isiganapu.”

Matius 27:35

So kagena de gila-gila ona wisidasangahadi de Awi baju imatekesikotoku yaaka moi-moi de manga gimina yamote o undi ma rabaka.

Matius 22:43

Una wotemo, “Nako komagena, de o kiaso o Daud masirete lo de o Gurumi Datetebi ma kuasa sidago wipeto Unaka ‘Ai Jou’. Sababu o Daud wotemo,

Ibrani 1:1

Idodoma-domaka, kanaga he ma para ma dalaka de o bi ngeko lo ma bio idala o Gikimoi Awi demo asa wosingangasu gena o bi nabika, so ona magena lo aku yasingangasuli to ngone nanga ete de nanga topora idodomaka.