Rasul 2:23 - O GIKIMOI AWI JAJI ma BUKU

²³ Imamote de o Gikimoi Awi edekati so wositatapu daboloka, o Yesus bilasu wisidoa nginika, so o Gikimoi wanako done asa isiganapu. De ngini Una niwisidoa o nyawa yatotorouka, de ona niasulo la iwisidasangahadi sidago wosone.

Rasul 2:23 Referans Kwoze

Lukas 22:22

Igogou, Ngohi o Nyawa ma Duhutu manena asa tosone maro o kia o Gikimoi wositatapuka. Duma naguuna woisiiija Ngohi, kodo, o nyawa una magena awi bodito datubuso!”

Rasul 4:28

Ona o kota manenaka imatolomuno ma ngale iwidanggutu o Yesus, maro idomaka to Ngona Ani dupa so nositatapu daboloka bilasu idadi de imaaka.

Rasul 3:18

Duma komagena o Gikimoi wosiganapu maro o kia wasulo idomaka to Una Awi nabi-nabi, la inasingangasu ngoneka, ena gena bilasu o Salamati ma Kolano gena wamake o sangisara.

Dodadi 50:20

Ngini nia edekati gena ma ngale ngohi nisangisara. Duma o Gikimoi Awi edekati gena ngini winisimaha ngohi nisangisara ma ngale nginika done asa o loha waaka. Sababu ngohi dede Awi kuasa ngini de lo o nyawa yadadala tasisalamati la upa yosone, so komagena o loha taaka o nyawa yadadalaka.

1 Petrus 1:20

Ma orasi o Gikimoi o dunia wosidadi waasi, de wositatapu idomaka ma ngale nia dorou ma ija gena, ma Kristus bilasu wosone done asa komagena. Duma manena he yadangade orasi ma dodoguka de Una igogou o duniaka wahinoka ma ngale to ngini nia dagali moi.

Rasul 13:27

O bi Yerusalemka ma nyawa de manga roriri gena yosihodawa, ngaroko o bi nabi manga buku ma demo o Sabat ma wange isigeto yabaca, so iwinakowa o Yesus Una magena o Salamati ma Kolano. Ma sababu magegena ona o Yesus asa iwitoomaka. Duma de manga manara ona iwitooma gena ona yaakaka maro o kia o nabi manga bukuka isilelefo magena asa idadika.

Matius 26:24

Igogou, Ngohi o Nyawa ma Duhutu manena asa tosone maro o kia isilelefo o Gikimoi Awi Jaji ma Buku ma rabaka. Duma naguuna woisiiija Ngohi o Nyawa ma Duhutu manena, kodo, o nyawa una magena awi bodito datubuso! Lebelaha o nyawa una magena upa lo wisibuo.”

Roma 4:17

Magena imatero maro o kia idomaka isilelefo o Gikimoi Awi Jaji ma Bukuka itemo, “Ngohi tonijaji igogou ngona gena asa nodadi o bi bangsa yadadala manga ete de manga topora.” Magena o Gikimoi Awi jaji masirete de o Abraham asa Una wipiricayaka. Una wanako o Gikimoi waaku o nyawa isosone wasioho kali de lo nako ka cawali wosulo de o bi moi-moi o kia naga ihihiwa lo aku wosidadi.

Rasul 5:30

Sababu to ngone nanga ete de nanga topora manga Gikimoi o Yesus iwisiohoka o sone ma rabano, ena gena o Yesus niwisidodasangahadika.

Gogelelo 13:8

So o nyawa o duniaka igogoge ona yangodu asa o haiwani magenaka isuba, ka cawali ona magena ma orasi o Gikimoi o dunia wosidadi waasi, de kanaga ona manga ronga isilelefo o oho ma buku ma rabaka. O buku magena o Duba ma Goho witotolaka gena to Una Awi buku.

1 Petrus 1:2

Ngini gena o Baba Gikimoi winihirika sababu ma orasi ma nonomasi de Una magena kanaga de Awi edekati komagena. Una winihirika dede Awi Gurumi asa winiaka so ngini nidadi to Una Awi nyawa masirete, la ma ngale ngini gena o Yesus Kristus niwisigise, de ma ngale nia dorou so sidago Una wosone de Awi au ikopola ma ngale winisiapongu. Ngohi togolo tanu o Gikimoi winidogo nginika o laha ifoloi de nia sininga waaka so foloisi isanangi.

Lukas 24:20

Duma o imamka ma bi sahe de lo nanga roriri Una wisidoa o bobaretaka la wisisala, so bilasu witooma. Dabolo de igogou ona Una iwisidasangahadika.

Lukas 22:37

Sababu kanaga isilelefo o Gikimoi Awi Jaji ma Buku ma rabaka itemo, ‘Asa o Salamati ma Kolano wieto maro o nyawa ma dorou moi.’ De o kia naga isilelefo gena bilasu idadi Ngohika, sababu o kia naga ma ngale Ngohi manena isingangasu idomaka isilelefo o Gikimoi Awi Jaji ma Buku ma rabaka, magena o orasi manena he idadi.”

Rasul 7:52

To ngini nia ete de nia topora o bi nabi yangodu yasisangisara. De yatoomaka ona magena isingangasu idomaka Woleleani moi Awi sininga itotiai, Una done asa wahino. De Una magena wahinoka, duma ngini manena dabolo niwilawangi de niwitoomaka.

Yohanes 19:24

De ona itemo moi de moika, “Hika upa paraca, duma ngone asa paundi la de magena inasidumu naguuna asa wamake de wodahe.” Komagena ma ngale idadi de imaaka imatero maro o kia idomaka isilelefo o Gikimoi Awi Jaji ma Buku ma rabaka itemo, “To Ngohi Ai baju ona imatekesikotoku la yaaka moi-moi de manga gimina de ma ngale manga sidongirabaka la yaaka o undi naguuna Ai juba wodahe.” So o bi prajurit ona magena yaaka imatero maro o kia isilelefo idomaka.

1 Petrus 2:8

De lo o gimina moili itemo, “O teto ilalamo magena yahado kugena o ngekoku so o nyawa isepele de iruba de itagi lo yaaku kawa.” O nyawa isosepele ona magena ma Kristus iwiholu, sababu ona o habari daloloha magena yoholu yosigise. De ma ngale ona gena idadi komagena, sababu idomaka o Gikimoi Awi dupa so wositatapu daboloka bilasu yosigisewa.

Matius 20:19

Dabolo de Ngohi asa isidoa kali o nyawa ona magena o Yahudika ma nyawa yasowo, la ona magena igagaka isiihe, de ingangapo, de lo isangahadi. Duma o wange saangeka de Ngohi asa tooho kali.”

Matius 27:35

So kagena de gila-gila ona wisidasangahadi de Awi baju imatekesikotoku yaaka moi-moi de manga gimina yamote o undi ma rabaka.

Markus 15:24

So kagena de gila-gila ona wisidasangahadi de Awi baju imatekesikotoku yaaka moi-moi de manga gimina yamote o undi ma rabaka.

Lukas 23:33

Itekawa, de ona imasidiado o riho moi ma ronga o Sahe ma Papala ma Riho, so kagena de gila-gila ona wisidasangahadi. De o orasi magena kanagali o nyawa ma dorou yasinoto gena yasidasangahadi ka o wange moi, so moi Una Awi girinaka de moili Awi gubalika.

Yohanes 19:18

So kagena yaadoka de gila-gila Una magena ona wisidasangahadika. De o orasi magena kanaga yasinotoli yasidasangahadi, ona magena o nyawa itotooma, ona yasinoto manga risoaka, so moi Awi girinaka de moili Awi gubalika.

Rasul 2:36

So o gianongoru de o baba-baba ningodu, bilasu komagena la ngone o Israelka ma nyawa inangodu panako igogou de itiai, ma ngale o Yesus ngini niwisidodasangahadika, Una magena o Gikimoi wisidadi to ngone nanga Jou de nanga Salamati ma Kolano.”

Rasul 5:28

wotemo, “Ngomi gena he minisimaha kawa de minisulo daboloka, upa lo ngini o bi nyawa niadoto kali de o nyawa Una magena Awi dodoto. Duma o orasi manena ngini masirete niaaka kali. Ce! So ngini o dodoto magena nisihabari o Yerusalem ma sigilolika, de ngini o ronga ma dorou nimigaka sidago nitemo o nyawaka, igogou de o sababu ngomi miaka sidago o nyawa Una magena wosone.”

Roma 2:12

De lo nako o Yahudika ma bi nyawa, ngaroko o Gikimoi Awi bobita o Musa walelefo gena yanakoka, duma ona lo kanaga yaakawa de ona magena o Gikimoi bilasu wafanggali de o dorou. Sababu upa ona o bobita o Gikimoino yananako gena manga sininga itiai Unaka, duma ona la kanaga Awi bobita yaaka to ona manga sininga magegena asa Una waaka itiai. De nako o Yahudika ma bi nyawa yasowo ona magena, ngaroko Awi bobita o Musa walelefo gena yanakowa, duma ona o bi moi-moi itotiai yanakoka, de ona magena yaakawa ona lo bilasu Una wafanggali de o dorou.

1 Tesalonika 2:15

O Yahudika ma nyawa manga bobareta, ona magena itagi itooma bai o Jou Yesus bai lo o bi nabi idodomaka. De ona lo imisangisara ngomi so misisupu de miloda. Komagena ona o Gikimoi iwilawangi de lo o nyawa ma somoa yangodu yaholu.