Rasul 18:25 - O GIKIMOI AWI JAJI ma BUKU

²⁵ de lo una iwidoto daboloka ma ngale o kia o Jou wodupa paaka so wanakoka. Mutuwade de awi sininga ma gawene ilalamo so wosibicara de wodoto itiai ma ngale o Yesus. Duma ma ngale o Yesus gena winako ifoloi waasi, sababu una asa ka wanako o Yohanes Wooosi awi dodoto.

Rasul 18:25 Referans Kwoze

Rasul 19:3

“Nako komagena, de o kia ngini nisiosi.” De ona yosango itemo, “O Yohanes awi osi.”

Roma 12:11

De nia manara ma rabaka bilasu niakaeli upa nibusengi, duma ngini de o Gurumi Datetebi ma buturu o Jou niwileleani.

Rasul 19:23

So ma dongoho magena de o Efesus ma nyawa yamuruo naga o habari ma ngale o bi nyawa o Yesus wasisalamati gena yoise iholu, so ona asa isigoko o gangamo ilalamo moi.

Rasul 19:9

Duma o ngoosa o saange ma duduka o nyawa ma binuka asa manga sininga datogoika sidago iholu ipiricaya. Ena gena, o kawasa manga simaka de ona o Paulus awi dodoto, ma ngale idodooha o Jou wotetemoka gena bilasu paaka, ona yogogagaka. So kagena de o Paulus o nyawa ipipiricaya wangaho de o nyawa ma somoa magena wadongosaku la wotagi kiaka o Tiranus awi tahu moili o riho magenaka imatotolomu de imadodotoka. Kagena o wange isigeto una imatekebobicara dede ona.

Rasul 9:2

de o surati kuasa womagolo ma meta o bi puji ma tahu ma bi sahe o Damsyik ma kotaka, la tanu wisimaha kagena wahika de wamake o bi nyawa ona magena o Jou Yesus iwipipiricaya, bai yanau de lo o ngopedeka, gena aku watago de wangaho o Yerusalemka.

Markus 12:14

So ona magena yahino de itemo Unaka, “Baba Guru, ngomi mininako Ngona o nyawa nototiai moi, de Ngona namodowa nagoona bato. Ngaroko ona magena o nyawa yalalago, Ngona de Ani sininga igogou nasidoto maro o kia o Gikimoi Awi dupa bilasu paaka. Komagena so hika nomisingangasu, ka daloha o balastengi pofangu ma Kolano Wilalamo ma Kaisarka, eko upa. Bilasu ngomi mifangu eko upa.”

Yakobus 5:16

So nakoso kanaga ngini la de nia dorouka, hika ngini nimangaku kasi moi de moika, komagena lo ngini moi de moika gena hika nimasumbayang, la ma ngale o Jou aku winisiloha. Sababu o nyawa nakoso kanaga manga sininga itotiai de manga sumbayang yatide o Jouka, gena ma ngale Awi laha foloisi ilamo aku idadi.

2 Timotius 2:4

De maro o prajurit moi una upa womote o manara ma somoa la waaka to una awi oho de awi dupa masirete, duma bilasu una awi sininga ma edekati gena waaka maro o kia wopopareta wodudupa. So komagena ngona ani sininga ma rabaka cawali nodupa o Yesus Kristuska nowisigise.

Rasul 16:17

Muna de ngomi mimakamakeka, de ka momimote-mote de momatoore o bi nyawaka, “He! O nyawa ona manena o Gikimoi Wikukuruye Awi leleani! Ona yahino inisihabari o ngeko idodooha la ngini aku o salamati niamake!”

Rasul 13:10

de wotemo, “He! Ngona nitotodamatoko de o nyawa ma dorou, ngona nalawangi o Gikimoi Awi manara so ngona maro ka o Iblis! Dadoohaso nitodamatoko o Jou Gikimoi Awi manara itotiaika.

Lukas 7:29

O bi nyawa yangodu, dede o balastengi itotolomu lo gena, yoise o Yesus Awi demo ma ngale o Yohanes. Yoiseka, de o Gikimoi Awi demo yadehe daloha, sababu idomaka ona gena o Yohanes waosika.

Markus 1:3

So kanaga o nyawa moi o tona ibobeleuka womatotoore, ‘He! Ma ngale nanga Jou Awi hino gena ngini nimasidailako. La o ngeko gena bilasu nisibolowo de nisitiai.’ ”

Dodadi 18:19

Una magena Ngohi towihiri daboloka, ma ngale to una awi ngopa-ngopa o tahu ma rabaka asa wadoto so aku ona Ngohi o Jou Ai demo yamote de yacoho daputuru de o moi-moi itotiai gena yodupa yaaka. Nakoso o bi moi-moi magena la yodupa yaakaka, de Ai jaji dangodu unaka igogou asa tosiganapu.”

Lukas 1:4

La ma ngale ngona asa aku nanako itiai o bi moi-moi dangodu, inidodoto ngonaka gena, igogou de itero.

Rasul 18:26

Ma orasi o Efesuska wahino de wowosa o puji ma tahuka, de una lo wobarani wodoto. So kagena ongo Priskila de o Akwila asa awi dodoto yoiseka, de una iwingoso de iwingaho manga tahuka la iwidoto foloi itiai o kia o Gikimoi wodupa paaka.