Rasul 18:23 - O GIKIMOI AWI JAJI ma BUKU

²³ De o wange muruo naga kagena wogoge dabolo, de o Paulus womajobo kali wotagi wotulu-tulu o Galatia ma daera de o Frigia ma daera ma sigilolika, de kagena o bi nyawa ipipiricaya manga piricaya wosiputuru.

Rasul 18:23 Referans Kwoze

Rasul 14:22

O bi doku magegenaka de ona o bi nyawa ipipiricaya yasiduduga la manga piricaya isitatapu o Yesuska, so itemo, “Bilasu ngone inasisangisara idala kasi, de asa powosa o Gikimoi Awi pareta ma rabaka.” Komagena ona manga piricaya isiputuru o bi doku magegenaka.

Rasul 16:6

De o Paulus, de o Silas, de o Timotius manga dodagi yadofa kali la tanu o habari daloloha isihabari o Asia ma daeraka, duma o orasi magena o Gurumi Datetebi ona wasimaha waasi, so ona itagi yakahika o Frigia ma daeraka de o Galatia ma daeraka.

Rasul 15:41

So ona yasinoto o Siria ma daeraka de o Kilikia ma daeraka itagi o bi doku yageto-geto, ma ngale o Paulus o bi gogobu manga piricaya wosiputuru.

Rasul 15:32

De o Yudas de o Silas, ona lo o nabi maro o Paulus de o Barnabas, so idala yasibicara o nyawa ipipiricaya o Antiokhiaka de lo yasiputuru sidago manga sininga ipeleso kawa.

1 Tesalonika 5:14

Ai dodiao nipipiricaya, ngomi minibaja de migolo nginika, la o nyawa ibobusengi so yomomanarawa ona magena niasitiari, de o nyawa la manga sininga ituturaka ona magena niariwo manga sininga nisiputuru, de lo o nyawa la manga sininga yacoho daputuruwa so yodupa o dorou yasibaja eko lo manga piricaya daputuru waasi, ona magena bilasu ngini niariwo. So komagena ngini lo bilasu de nia sabari ilamo o nyawa yangoduka.

Galatia 4:14

De kanaga lo ngohi ai siri magena ma rabaka tinisitubuso nginika, duma ngohi gena ngini he nilekiwa. Salanta ngini asa nisimore ngohi de nia nalika, imatero de o malaikat moi o Gikimoino yahino de nisimore, eko maro o Yesus Kristus wahino de Una lo niwisimoreka.

1 Korintus 16:1

So, ai dodiao nipipiricaya, nako o pipi la nimatolomu ma ngale nanga dodiao o Gikimoi Awi nyawa isususa o Yerusalemka gena, ngini bilasu niaaka imatero maro o kia naga ngohi tasulo o bi gogobu o Galatia ona magenaka.

1 Tesalonika 4:18

De o demo moi-moi magenena ngini nimatekesiduduga la ningodu asa nia sininga daputuru.

1 Tesalonika 3:2

la miwisulo o Timotius wotagi wakahika nginika. Una magena mia dodiao o Yesus wipipiricaya de o Gikimoi wileleleani so o habari ma ngale ma Kristus wosihabari. De una miwisulo la wakahika nginika ma ngale nia sininga wosiputuru. So ngini ma Kristus niwipiricaya foloisi daputuru,

Rasul 16:40

So komagena o Paulus de o Silas o buino isupu daboloka, de itagi itulu ongo Lidia ami tahuka. So kagena yamake o bi nyawa ipipiricaya, so manga sininga isiputuru daboloka, de o Paulus de o Silas imajobo kali.

Lukas 22:43

Kagena de o malaikat moi o sorogano wahino Unaka de iwisiputuru.

Lukas 22:32

Duma Ngohi manena tosumbayang ma ngale ngona, la ani piricaya asa upa isisa. So done ani piricaya gena daputuru kali, de ngona bilasu ani dodiao manga sininga gena nosiputuru.”

Lukas 1:3

Mutuwade kanaga o bi moi-moi dangodu idadadika, ma gola kiano gena, ngohi tatailako tosidodiahika, dabolo de ngohi ai sininga ma rabaka asa tositatapu bilasu o jarita magena, ma fato de ma fara itotiai magena, talefo de tonihike ngonaka.

Rasul 2:10

o Frigia ma nyawa, o Pamfilia ma nyawa, o Mesir ma nyawa, o Libia ma bi daera o Kirene ma dateka ma nyawa, de namuruo naga o Roma ma kotano pahino,

Rasul 19:1

So kagena de ma orasi o Apolos ka o Korintus kasi, de o Paulus o Galatia ma daera de o Frigia ma daera wakilolika de wotagi wakahoko so womasidiado o Efesus ma kotaka. De kagena una wamake o nyawa o Yohanes awi dodoto yapipiricaya yamogiowo de sinoto.

Galatia 1:9

So ngomi gena minidedemo idomaka, so komagena o orasi manena de ngohi tinidedemo kali. Nakoso kanaga o nyawa la nginika inisingangasu o dodoto ma somoa moili, so imaterowa de o dodoto o kia ngomi minihike idoma nginika, de o Gikimoi masirete asa ona magena watinga de waumo o naraka ma rabaka.