Rasul 17:32 - O GIKIMOI AWI JAJI ma BUKU

³² La ma orasi ona iise o Paulus wotemo o nyawa moi wosoneka de wooho kali, so o nyawa ma binuka o Paulus wisiihe, duma ma binukali itemo, “Ngomi ka miodupasi so ma ngale o moi-moi magena nosibicarali.”

Rasul 17:32 Referans Kwoze

Rasul 26:8

So, baba-baba, upa sidago ngini ningodu kanena lo niapiricaya o Gikimoi gena waakuwa o bi nyawa isosoneka wasioho kali bai!

Rasul 17:18

So kagena de o Epikuroska ma bi guru de o Stoaka ma bi guru imatekeributu de o Paulus, sidago ona yamuruo naga itemo, “Awi bicara ma ngale gena o kia-kiawa.” De sababu o Paulus wosibicara ma ngale o Yesus de ma ngale posoneka de pooho kali, o nyawa ma somoali itemo, “Nagala wonasingangasu ma ngale o bangsa ma somoa manga seri ma duhutu.”

2 Korintus 6:2

Sababu kanaga isilelefo o Gikimoi Awi Jaji ma Buku ma rabaka itemo, “Ma orasi moi, kiaka Ngohi tositatapuka, gena imasidiadoka, de asa ngona nomatotoore gena toiseka, so tonisisalamati.” So ngini gena nimasidodiahi. De o orasi manena dabolo, kiaka o Gikimoi wositatapu daboloka. O orasi manena dabolo, Una wodupa ngini winisalamati bai!

Rasul 25:19

Kanaga manga galaki ma rabaka gena cawali imatekesikoholu ma ngale ma ngeko idodooha bilasu to ona manga nyawa masirete o Gikimoika wisuba de lo ma ngale o nyawa moi wosoneka, de o Paulus wotemo igogou Una wooho kali, Una magena Awi ronga o Yesus.

Rasul 24:25

De o Paulus wobicara o Felikska idodooha o Gikimoi asa waaka so o nyawa nanga sininga itotiai, de idodooha ma ngale nanga sininga masirete papareta daputuru, de lo ma ngale o orasi ma simaka o Gikimoi o nyawa yangodu manga dorou de manga loha ma sopo asa wafanggali itotiai. O Feliks woise komagena, de una wimodo poli so una o Pauluska wotemo, “Boloka! So ngona aku notagi duma o orasi ma moi done toniaso kali.”

Rasul 2:13

Duma kanaga o nyawa ma binuka yagagaka itemo, “We! O nyawa ona magena yadaluka!”

1 Korintus 4:10

Ngomi gena iminano koloko mifuma sababu ma ngale ma Kristus gena minisihabari, duma ngini gena nitemo koloko icocawaro sababu nidadi ma Kristus Awi nyawa. Ngini lo nitemo koloko nipoputuru de nihohoromat, duma ngomi gena imisiceke de iminano koloko maro mia buturu de mia horomati lo ihiwa.

Rasul 17:31

Wosulo komagena, sababu wositatapu o orasi ma simaka o dunia ma raba manena asa Una wosifanggali itiai, ma ngale magegena Awi nyawa moi wihirika la asa Awi hakim ma manara waaka. De ma ngale ngone o nyawa inangodu wonasinako itiai o nyawa Una magena wosoneka de o Gikimoi iwisioho kali bai!”

Lukas 14:18

Duma yakokoro ona magena yangodu yoholu yahika. Ma nonoma wotemo, ‘Ngohi kangano manena o tona taijaka, so bilasu totagi tatailako kasi. Upa lo ani sininga ikurangi.’

1 Korintus 1:23

Ngaroko komagena, duma ka cawali o habari ma ngale ma Kristus wisangahadika gena ngomi asa misihabari. De o habari magena nako yoise, de o Yahudika ma nyawa ona yoholu so yasitura, de lo o Yunanika ma nyawa ona itemo o demo magena ka o nyawa ifufuma.

Rasul 13:41

‘He! Ngini o bi nyawa nagoona Ai demo yodupa isimade. Hika niise Ai demo manena. O orasi manena o manara moi Ngohi asa taaka de ngaroko o nyawa nisidoto nginika lo, ngini asa niopiricayawa. De Ai manara magena asa nisitodoka sidago niohairani de nisone bai!’ ”

Ibrani 13:13

Komagena so bilasu ka o Yesus powipiricaya. Gena maro o kia naga o doku ma rabaka pamomote gena, podongosa de posupu pahika Unaka o doku ma duduka, de maro Una wisimade komagena lo ngone bilasu o made pamoku.

Ibrani 11:36

Kanaga lo yamuruo naga yagagaka de yangangapo, de ma binukali yabuika de o rate yasipiliku.

Lukas 23:36

O bi prajurit lo Una wisimade. Ona iwidateka de iwihike Unaka o anggur dakokiopi,

Lukas 23:11

Dabolo de o Herodes de awi prajurit-prajurit wikalekono de wisiihe o Yesuska. Ona o bi kolano manga juba iwisitibaku, dabolo de iwisitotali o Pilatuska.

Lukas 22:63

O bi nyawa o Yesus witatago ona magena iwisiihe de iwingangapo,

Dodadi 19:14

So kagena de una wotagi awi ngopa o ngopedeka yasinoto manga bobaika, de wasulo, “Taika! Nisupu de niloda o kota manena ma rabano. Awalele! O Jou asa wabodito sidago lo wasisa o kota manena de lo ma nyawa yangodu.” Duma manga sininga ma rabaka itemo, “Ce! Nagala una ka wonasangaja bai!”

Rasul 17:33

Bolo, de o Paulus wotagi de wadongosaku o mahkamah ma nyawa magena,

1 Korintus 15:12

So nakoso o habari ma ngale ma Kristus o soneno wisioho kali gena ngomi minisihabari nginika, de igogou idadiwa ngini magena nitemo o nyawa la kanaga isoneka, ona magena yaakuwa ioho kali.