Rasul 17:24 - O GIKIMOI AWI JAJI ma BUKU

²⁴ Ai baba-baba o Atena ma nyawa, o Gikimoi o dunia de ma raba moi-moi wosidadadika de o dipa de o dunia wapopareta gena, Una o bi puji ma tahu de o bi nyawa manga gia isiaaka gena ma rabaka wogogewa.

Rasul 17:24 Referans Kwoze

Rasul 7:48

Duma o Gikimoi Wikukuruye wogogewa o tahu o nyawa manga gia isiaaka, sababu o bi nabi manga buku ma rabaka isilefo komanena: O Jou wotemo,

Matius 11:25

O orasi magena de o Yesus wosumbayang wotemo, “Baba, o Jou o dipa de lo o dunia nakokuasa! Ngohi Ai sukuru tatide Ngonaka, sababu o bi moi-moi magena o bi nyawa icocawaro lo kanaga itemo yanakoka, ona magena Ngona nagiihu. Duma o bi moi-moi magena o bi nyawa kiaka yananakowa Ngona gena nasikelelo.

Gogelelo 20:11

Kagena de ngohi takelelo kali kanaga o pareta ma kursi daare moi ifoloisi ilamo, de ma dokuka Una womatetengo gena womatamiye. Una Awi simaka o dunia de o soroga gena ihiwaka, sidago lo he pakelelo kawa.

Rasul 14:15

“Wewe! Dadoohaso niaaka komagena. Ngomi manena lo ka o nyawa bato koloko ngini! Ngomi miahino kanena gena o habari daloloha minisingangasu nginika, la nia giki moi-moi isosone magena bilasu niodongosa de nimakiliho la nisuba o Gikimoi wooohoka, o Gikimoi Una magena o dipa de o dunia wosidadi, de o teo de lo o moi-moi dangodu kanaga de ma rabaka.

Rasul 4:24

So ma orasi ona iise, de ona manga sininga ka ka moi isumbayang o Gikimoika itemo, “Ya, Jou Nokokuasa! O dunia, de o dipa, de lo o teo moi-moi dangodu de ma raba gena to Ngona Ani gia ma goguto.

Lukas 10:21

O orasi magena o Yesus gena o Gurumi Datetebi iwipareta so Una winali de wotemo, “Baba, o Jou o dipa de lo o dunia nakokuasa! Ngohi Ai sukuru tatide Ngonaka, sababu o bi moi-moi magena o bi nyawa icocawaro lo kanaga itemo yanakoka, ona magena Ngona nagiihu. Duma o bi moi-moi magena o bi nyawa kiaka yananakowa Ngona gena nasikelelo. Igogou, Ani manara komagena Ngona masirete nodudupa.

Ibrani 3:4

Sababu o bi tahu moi-moi yosigogoko gena kanaga ka o nyawa yagaka, duma naguuna o bi moi-moi o kia naga gena dangodu wosidadadika, Una magena o Gikimoi masirete.

Matius 5:34

Duma orasi manena Ngohi totemo nginika, upa lo nisasi bai! Upa lo nisasi de nitemo o sorogaka, sababu o soroga gena o Gikimoi Awi pareta ma kursi.

Ibrani 1:2

Duma o orasi manena gena kanaga o orasi ma dodoguka, to Una Awi demo gena Awi Ngopa masirete Una magena asa wonasingangasu ngoneka. Una Awi Ngopa gena wisitatapuka la o bi moi-moi o kia naga dangodu gena to Una, o bi moi-moi kiaka sababu ka Una magena so o dunia de o dipa lo dangodu idadika.

Yohanes 1:1

Ka ma nonomasi, o bi moi-moi iooho o duniaka gena idadi waasi, de Una Awi ronga o Demo gena he kanagaka. O Demo magena kanaga dede o Gikimoi de o Demo magena ka imatero dede o Gikimoi.

Dodadi 14:19

La ma ngale o Abram gena o Melkisedek wisigolo o Gikimoika, de wotemo, “O Gikimoi Nilalamo o dipa de o tona nosidadika, tanu Ngona Ani laha nowisidumu o Abramka.

Dodadi 14:22

Kagena de o Abram wosango wotemo, “Ngohi igogou-gogou tosasi o Jou Awi simaka, Una o Gikimoi Wilalamo o bi moi-moi dangodu wosidadadi o dunia ma dokuka, gena Unaka totemo,

Dodadi 1:1

Ma solano o Gikimoi wosidadi o dipa de o dunia.

Roma 1:19

O nyawa komagena, nakoso o Gikimoi manga dorou wafanggali de o dorou, magena igogou de itiai, sababu o nyawa inangodu ma ngale o Gikimoi gena he powinakoka. Magena asa Una masirete wonasikelelo dabolo o bi nyawa inangoduka.