Rasul 17:20 - O GIKIMOI AWI JAJI ma BUKU

²⁰ Ngona ani dodoto de to ngomi gena ipaparamoi de miise waasi, so miodupa o dodoto magena ma ngale mianako.”

Rasul 17:20 Referans Kwoze

1 Petrus 4:4

Ona nia dodiao ipipiricayawa idodomaka manga manara dafafaja de ma bati lo ihiwa, gena ngini niamote kawa sidago he niadupa kawa, so ona yohairani de inisibicara datorou.

1 Korintus 2:14

Nakoso o nyawa la kanaga o Gurumi Datetebi Una magena iwimotewa, de ona lo o dodoto o Gurumi Datetebino gena yadehe yoholu, sababu o dodoto magena ona yatemo ka o nyawa ifufuma manga demo. Ona magegena akuwa yanako itiai, ka cawali ona kanaga o Gurumi Datetebi iwimote so manga siningaka aku o dodoto magena wosingosa.

1 Korintus 1:23

Ngaroko komagena, duma ka cawali o habari ma ngale ma Kristus wisangahadika gena ngomi asa misihabari. De o habari magena nako yoise, de o Yahudika ma nyawa ona yoholu so yasitura, de lo o Yunanika ma nyawa ona itemo o demo magena ka o nyawa ifufuma.

1 Korintus 1:18

O habari ma ngale ma Kristus wisangahadika gena ngomi miasihabari o nyawaka, de nakoso o nyawa la done dede o Gikimoi imakitingaka de ona magena yoise, de ona asa itemo, “Cedeke! O habari gena cawali o nyawa ifufumano.” Ngaroko komagena, nakoso ngone o nyawa la kanaga nanga dorouno inasisalamati gena, ma orasi o habari magena poise, de ngone asa potemo, “Igogou! O habari ma ngale ma Kristus wisangahadika gena isikelelo o Gikimoi Awi kuasa masirete.”

Ibrani 5:11

Ma ngale o Jou Yesus de lo o Melkisedek o bi moi-moi gena de maenasi la ngohi todupa tinisingangasu nginika, duma ka isusa, sababu ngini gena dataiwa nisihoda maro ka nimehe poli.

Rasul 10:17

So ma orasi o Petrus ka wogamamusi, de awi gogelelo magena so ka womasosiningasi o kia o Gikimoi Awi dupa o unaka la bilasu una waaka, de o nyawa yaruwange o Kornelius wasusulo ona magena o Simon awi tahu yasari so yamake de ma ngoraka imaokoye.

Rasul 2:12

De ona yangodu ka yohairani poli so itemo moi de moika, “We! Idodooha so sidago ona aku isibicara nanga bahasa moi-moi.”

Yohanes 6:60

Duma o Yesus Awi dodoto yoiseka, de o nyawa Una wimomote yadadala imatekebicaraka itemo, “Icala! Awi dodoto manena ma ngale gena foloisi datubuso. Nagoona moi o dodoto datotubuso maro komagena yaaku yosigise. Igogou, o nyawa nagoona bato yaakuwa yosigise bai!”

Markus 9:10

La Una Awi muri-muri yacoho to Una Awi beseso magena, duma ona masirete manga sidongirabaka isibicara itemo, “To Una Awi demo ‘wosoneka so wipoosuka de wooho kali’ ena gena ma ngale o kia.”

Rasul 17:19

So kagena de o Paulus iwingaho o mahkamah moi isironga o Areopagus ma rihoka, so kagena o nyawa yadala asa imatolomuno, de ona itemo unaka, “Nako daloha de hika o dodoto damomuane magena nomisingangasu ngomika.

Rasul 17:21

(Manga dupa komagena sababu o Atena ma nyawa de o bi nyawa ma somoa igogoge o orasi isigeto-geto kagena foloi yodupa isigise de isibicara o kia naga moi nakoso damomuane.)