Rasul 16:36 - O GIKIMOI AWI JAJI ma BUKU

³⁶ So o bui ma sahe wosingangasu o Pauluska wotemo, “Baba-baba, o Roma ma bobareta isulo ngohika la tinisisupu. So nitagi niliho bato, de nimapopongo de upa lo nitoosa.”

Rasul 16:36 Referans Kwoze

Rasul 15:33

So o wange muruo nagasi o Yudas de o Silas kagena igoge. Dabolo de o nyawa ipipiricaya imasiloloa ona yasinotoka de yasimote daloha, so yasimaha ona itagi iliho sidago imasidiado o gogobu manga roriri yasusulo o Yerusalemka. [

Yohanes 14:27

Kanaga o sanangi gena ma sihino ka cawali Ngohino, de magena asa tinihike nginika, ena gena asa taaka to ngini nia sininga ma rabaka la aku isanangi. Ai manara taaaka magena imaterowa maro o bi nyawa o duniaka yaaaka. Upa sidago ngini nia sininga isusa de nimodo.

Rasul 16:27

Kagena de o bui ma jojaga manga sahe womomi, de wakelelo o bui ma ngora ipelenga dangoduka, so awi sininga ma rabaka wotemo nagala o bi nyawa yapopilikuka gena iloda yangoduka, so awi sumarangi walia la tanu womatooma.

Markus 5:34

Kagena de Una wotemo o ngopedeka muna magenaka, “He, Ai ngopa! Sababu ngona noipiricaya, so ngona nilohaka. Notagi de upa nohawateri, sababu to ngona ani dubuso de ani siri lo ihiwaka.”

Rasul 16:23

So yangangapo yasiri-siri daboloka, de gila-gila ona yasinoto yasingosa o buika, de o bobareta yasulo o bui ma jojaga manga saheka la yajaga yasidodiahi.

Rasul 16:35

Ma goginitano, o Roma ma bobareta o bi polisi yasulo itagi o buika, la yasulo, “O nyawa ona magena niasisupuka.”