Rasul 16:33 - O GIKIMOI AWI JAJI ma BUKU

³³ So ka o putu magena de o bui ma sahe magena o Paulus de o Silas wangaho wasidola o ngihi iluluku ma rabaye, so manga nabo-nabo watiodo watebi-tebika, de gila-gila una de awi tahu ma raba yangodu o Paulus de o Silas yaosika.

Rasul 16:33 Referans Kwoze

1 Korintus 1:16

(Igogou! Mana asa tosiningali o Stefanus lo de awi tahu moi gena kanaga ngohi taosika. Ka ona yamuruo naga magena tosininga, so ma binukali ihiwa.)

Rasul 16:15

So ongo Lidia de ami tahu ma raba moi ona lo yaosi daboloka, de muna asa momikoro de momiaso motemo, “O dodiao, ngini ninako igogou ngohi o Jou Yesus towipiricayaka, nako daloha de tanu niahino la ai tahuka nimasidodogu.” So komagena muna momigegego sidago ngomi to muna ami tahuka mimasidodogu.

Rasul 16:25

So o wange magena nagala o putu itongiraba o Paulus de o Silas isumbayang de inyanyi wigiliri o Gikimoi, de to ona manga nyanyi magena o bi nyawa o bui ma rabaka lo yoise.

Galatia 5:13

Nako ngini ai dodiao nipipiricaya gena, o Gikimoi ngini winiasoka la ngini Awi nyawa masirete, ma ngale aku ngini winipalako la o bobita o Gikimoino gena upa he niamote. So ngaroko winipalakoka, duma kanaga de ma batika. Upa sidago lo winipalako ma ngale o dorou nia sininga ma rabaka gena niaaka. Duma ngini winipalakoka ma ngale niadodara o nyawaka, de komagena bilasu nimatekeleleani moi de moika.

Galatia 5:6

Sababu nakoso ngone de o Yesus Kristus pomarimoika, de o nyawa moi una womasunaka eko hiwasi gena o Gikimoi he iwitailako kawa. Duma o Gikimoi asa watailako nakoso o nyawa la kanaga ma Kristus iwipiricayaka. De o nyawa nakoso manga sininga itotiai ma Kristus waakaka gena yopiricayaka, de ona magena aku o Gikimoi wileleani de o bobita o Gikimoino upa yamote, duma ka o nyawa yadodara.

Rasul 16:23

So yangangapo yasiri-siri daboloka, de gila-gila ona yasinoto yasingosa o buika, de o bobareta yasulo o bui ma jojaga manga saheka la yajaga yasidodiahi.

Lukas 19:9

De o Yesus wotemo, “O wange manena dabolo ngona de ani tahu ma rabaka lo ningodu o Gikimoi asa winisisalamati, sababu igogou ngona manena lo o Abraham awi ngopa de awi dano moiku.

Matius 3:6

O riho magenaka o nyawa yadala yoise de yamote o Yohanes awi dodoto so to ona manga dorou imamangaku o Gikimoi Awi simaka, dabolo de asa o Yohanes waosi o Yordan ma Seleraka.

Rasul 16:32

De ona iwisingangasu unaka de lo to una awi tahu ma raba yangoduka o habari daloloha o Jou Yesusno, so una de awi tahu ma raba yangodu o Jou iwipiricayaka.

1 Petrus 3:21

O ake ma orasi o taufani o Nuh wisisalamati magena aku positero de o orasi manena ngone o salamati pamake, so o ake inasiosi gena, upa ma ngale nanga rohe ma faja yatebi, duma isinonako igogou o Yesus powipiricayaka. So upa isinonako ma ngale nanga rohe, duma ma ngale nanga sininga igogou so powimote o Gikimoika, sababu o Yesus Kristus wisioho kali so igogou nanga dorou isisaka.