Rasul 16:32 - O GIKIMOI AWI JAJI ma BUKU

³² De ona iwisingangasu unaka de lo to una awi tahu ma raba yangoduka o habari daloloha o Jou Yesusno, so una de awi tahu ma raba yangodu o Jou iwipiricayaka.

Rasul 16:32 Referans Kwoze

1 Tesalonika 2:8

Komagena ngomi de mia sayangi ilamo nginika, so upa mia dupa gena ka cawali o Gikimoi Awi habari minihike, duma mia dupa lo mimasidailako so o kia bato kanaga ngomika minihike nginika sidago lo mia rohe masirete, sababu ngini magegena o nyawa minidodara.

Roma 1:16

La ngohi masirete totemo so de ai baranika aku tosihabari o habari daloloha. Sababu o habari daloloha, ma ngale o bi moi-moi ma Kristus waaaka daboloka, gena inasimane ngoneka o Gikimoi Awi kuasa dapoputuru, so nakoso o nyawa la o Jou Yesus iwipiricayaka gena yangodu wasisalamati. Komagena ma noma-noma wasisalamati o Yahudika ma nyawa, de o bi nyawa ma somoa o Yahudika yasowo.

Efesus 3:8

Nako ngohi de o Gikimoi Awi nyawa ma binuka, de igogou ona magena foloisi yolamo de ngohi. Ngaroko komagena, duma ngohi gena o Gikimoi Awi laha so asa woihike o manara la o habari daloloha tosihabari ngini o Yahudika ma nyawa nisowo. O habari ma ngale gena ma Kristus Awi laha foloisi ilalamo kekiaka paakuwa patuga.

Roma 1:14

Kanaga to ngohi ai momoku moi bilasu o habari daloloha tosihabari, upa ka o Yahudika ma nyawa, duma o bi nyawa yangoduka, komagena bai lo o kota ma bi nyawaka de ona manga sakola ikukuruye, bai lo o soa de o doku ma bi nyawaka de ona manga sakola ikuruye waasi.

Markus 16:15

So kagena de Una wasulo onaka, “Nitagi ma bati o bi doku o dunia ma ngoguka, de nisihabari o habari daloloha o Gikimoino ma meta o dunia ma nyawaka.

Rasul 16:31

So o Paulus de o Silas isango itemo, “Nowipiricaya o Jou Yesuska la ngona asa nosalamati, bai ngona de to ngona ani tahu ma raba lo.”

Rasul 16:33

So ka o putu magena de o bui ma sahe magena o Paulus de o Silas wangaho wasidola o ngihi iluluku ma rabaye, so manga nabo-nabo watiodo watebi-tebika, de gila-gila una de awi tahu ma raba yangodu o Paulus de o Silas yaosika.