Rasul 16:31 - O GIKIMOI AWI JAJI ma BUKU

³¹ So o Paulus de o Silas isango itemo, “Nowipiricaya o Jou Yesuska la ngona asa nosalamati, bai ngona de to ngona ani tahu ma raba lo.”

Rasul 16:31 Referans Kwoze

Yohanes 1:12

Ngaroko komagena, duma kanaga o nyawa ma somoa ona magena asa Una iwidehe daloha sidago lo iwipiricaya Unaka. De ona magena lo asa Una waaka so aku ona imadadi o Gikimoi Awi ngopa-ngopa masirete.

Yohanes 3:36

So nakoso o nyawa la kanaga o Gikimoi ma Ngopa iwipiricayaka, ona magena asa yamake o oho ka sidutu ikakali. Duma kanaga o nyawa nakoso Una wihoholu, ona magena asa o oho ka sidutu ikakali gena yamakewa. Sababu ona wihoholu o Gikimoi asa wafanggali so dede o Gikimoi imakitinga ka sidutu ikakali.”

Markus 16:16

La o nyawa nagoona yopiricayawa o Gikimoi Awi habari daloloha, done wafanggali de o dorou. Duma o nyawa nagoona yopiricaya o Gikimoi Awi habari daloloha de yaoosika, done o salamati yamake.

Galatia 3:26

So ma orasi ngini gena o Yesus Kristus niwipiricayaka, de ngini gena ningodu asa maro o Gikimoi Awi ngopa-ngopaka, sababu ngini de o Yesus Kristus nimarimoika.

Rasul 18:8

So o puji ma tahu ma sahe moi, awi ronga o Krispus, una magena de awi tahu ma raba yangodu o Jou Yesus iwipiricayaka, de lo o Korintuska ma nyawa yadadala o Yahudika yasowo ona o Paulus wisigise so o Jou Yesus iwipiricaya de yaosika.

Dodadi 17:7

De Ngohi manena gena todadi to ngini nia Gikimoi de to Ngohi Ai jaji magena asa tacoho tagogou dede ngona, de komagena lo ani ngopa de ani danoka gena itagi gila-gila ka sidutu ikakali.

Galatia 3:22

Duma, ngaroko, itiaiwa. We! Kanaga o Gikimoi Awi Bukuka isilelefoka, o bi nyawa ona yangodu o Gikimoi Awi bobita yamotewa, de sidago manga siningaka o dorou yaaka magena ma rabaka akuwa yapalako. So o nyawa nakoso kanaga imamangaku igogou ona yamote yaakuwa o Gikimoi Awi bobita, duma o Yesus Kristus wipiricayaka, cawali ona magena asa o Gikimoi Awi jaji o Abrahamka gena yamake.

Rasul 4:12

So cawali o Yesus bato aku ngone wonasisalamati. Sababu o dunia ma dokuka o nyawa ma somoa moi lo yahiwa o Gikimoi Awi kuasa wihike la aku ngone wonasisalamati.”

Rasul 16:32

De ona iwisingangasu unaka de lo to una awi tahu ma raba yangoduka o habari daloloha o Jou Yesusno, so una de awi tahu ma raba yangodu o Jou iwipiricayaka.

Yohanes 6:47

O nyawa nakoso kanaga Ngohika ipiricaya, de ona magena igogou o oho ka sidutu ikakali yamake daboloka.

Yohanes 6:40

Sababu Ai Baba Awi dupa gena o nyawa yangodu nakoso ipiricaya Ngohi, ona magena asa yamake o oho ka sidutu ikakali. De ma orasi o dunia ma dodoguka asa Ngohi manena tasimomi de tasioho kali.”

Galatia 3:14

De ma ngale ma Kristus o bobita magenano ngone wonapalako komagena la o Gikimoi Awi laha wosidumu o Abrahamka, ma ngale magena so o bi bangsa ma nyawa yangodu o duniaka lo yamake. De lo sababu ngone ma Kristus powipiricayaka, so o Gikimoi Awi Gurumi wonasijajaji magena lo pamakeka.

Rasul 16:15

So ongo Lidia de ami tahu ma raba moi ona lo yaosi daboloka, de muna asa momikoro de momiaso motemo, “O dodiao, ngini ninako igogou ngohi o Jou Yesus towipiricayaka, nako daloha de tanu niahino la ai tahuka nimasidodogu.” So komagena muna momigegego sidago ngomi to muna ami tahuka mimasidodogu.

Yohanes 20:31

So o nonako ihahairani waaaka magena, ngaroko dangoduwa, duma asa isilefoka, la ma ngale ngini aku niopiricaya igogou o Yesus Una magena o Salamati ma Kolano de lo Gikimoi ma Ngopa. De nakoso ngini asa niwipiricaya Unaka, de ma sababu ma ngale Una magegena so aku niamake o oho ma duhutu.

Dodadi 18:19

Una magena Ngohi towihiri daboloka, ma ngale to una awi ngopa-ngopa o tahu ma rabaka asa wadoto so aku ona Ngohi o Jou Ai demo yamote de yacoho daputuru de o moi-moi itotiai gena yodupa yaaka. Nakoso o bi moi-moi magena la yodupa yaakaka, de Ai jaji dangodu unaka igogou asa tosiganapu.”

Roma 11:16

De lo o Yahudika ma nyawa yangodu lo kanaga idadi maro Una Awi nyawa, sababu idomaka manga ete de manga topora ona lo komagena. Koloko o roti o bokol moi nakoso kanaga ma nonomaka magena idadi o suba moi o Gikimoika so datebika, de kanaga lo o roti o bokol dangoduka koloko maro idadi datebika so wanano daloha. De lo nakoso o gota ma ngutu kanaga idadi maro o suba moi Unaka so datebika, de kanaga lo o gota ma uma maro idadi datebika so wanano daloha.

Rasul 8:36

Ona itagi yamote o ngeko magena, de imasidiado o riho moika de ma akeka. La o Etiopia ma nyawa una magena wotemo, “He! O ake lo madahe! Hino pouti, la kagena de noiosi.” [