Rasul 15:7 - O GIKIMOI AWI JAJI ma BUKU

⁷ De ona iteka isibicara de imatekesikadailako, so dabolo o Petrus womaoko de wotemo, “O gianongoru nipipiricaya! Ngini ningodu nianakoka idodoma nia sidongirabano o Gikimoi ngohi woihirika, ma ngale o habari daloloha tosihabari o bi nyawa, ngaroko o Yahudika yasowo, la ona lo aku yoise de iwipiricaya o Yesuska.

Rasul 15:7 Referans Kwoze

Rasul 15:2

Ma ngale magegena o Paulus de o Barnabas ona de o nyawa magena imatekeributu de imatekesikoholu, sidago o gogobu o Antiokhiaka isitatapu bilasu yasulo o Paulus, de o Barnabas, de lo o nyawa ipipiricaya yamuruo naga itagi o Yerusalemka, la ma ngale o sikoholu magena isibicara kagena o bi rasul de o bi roririka.

Rasul 20:24

Ngaroko komagena, ngohi bilasu totagi o Yerusalemka, sababu ngohi tamaloka bai tooho bai tosone dadoohawa, hitilahi ngohi ai manara bilasu taaka ma bati tosibolo, de nakoso maro o gogitina moi so tomagogora sidago lo ma bati taado. Ena gena, aku o Jou Yesus Awi manara taaka so tosingangasu o habari ma ngale Una, la de o Gikimoi Awi dodara so o bi nyawa aku wasisalamati, so o manara magena asa tosibolo, maro o kia bato woisulo bilasu ngohi taaka.

Rasul 10:20

Hika nomataika kudahu nouti, de upa naroraka la notagi nomote ona, sababu Ngohi manena dabolo asa tasuloka ona yahino.”

Filipi 2:14

O bi moi-moi dangodu nia manara ma rabaka gena, upa ngini nifeto eko lo nimatekesikoholu moi de moika.

Rasul 15:39

Mutuwade ona yasinoto imakangamoka sidago ma dodogu ona lo asa imakitingaka. So o Barnabas o Markus iwingaho de ona yasinoto imajobo yoside o Siprus ma guraka.

Rasul 13:2

Ma orasi moi o gogobu yoodowa de youdowa so isumbayang o Jouka, de o Gurumi Datetebi asa wosingangasu o gogobu magenaka, “Hika ngini o Barnabas de o Saulus niahiri la ma ngale itagi yaaka o manara kiaka tositotatapu dabolo onaka.”

Rasul 9:15

Duma o Jou Yesus wotemo unaka, “Notagi bato! Sababu Ngohi towihiri una ma ngale to Ngohi Ai manara wamoku, ena gena una wosihabari ma ngale Ngohi kiaka o Israel ma nyawaka, de o nyawa o bi bangsa ma somoaka, de lo manga kolanoka.

Rasul 4:25

To Ngona Ani Gurumi Datetebi wipareta to ngomi mia topora o Daud, sidago ma orasi magena Ani leleani una masirete wotemo, ‘Dadoohaso idodoma o Yahudika ma nyawa yasowo yatoosa ifoloi, de dadoohaso o Yahudika manga fakati ma faida ihiwa.

Rasul 3:18

Duma komagena o Gikimoi wosiganapu maro o kia wasulo idomaka to Una Awi nabi-nabi, la inasingangasu ngoneka, ena gena bilasu o Salamati ma Kolano gena wamake o sangisara.

Rasul 1:24

De ma orasi magena ona isumbayang itemo, “Ya Jou, igogou Ngona nanako o bi nyawa yangodu manga sininga, so migolo nomisidumu ngomika o nyawa yasinoto, ona manena naguuna Ngona masirete nowihiri daboloka,

Rasul 1:16

“Ai dodiao nipipiricaya ningodu! O kia isilelefo idomaka o Gikimoi Awi Jaji ma Buku ma rabaka, ena gena kiaka o Gurumi Datetebi wosingangasu o Daudka, ma ngale o Yudas gena womadadika o bi nyawa o Yesus witatago manga roriri la wangaho, magena bilasu idadi.

Yohanes 15:16

Komagenawa, sababu ngini gena nihiriwa Ngohi, duma Ngohi masirete ngini tinihirika de lo tinitideka ma ngale nitagi Ai manara niaaka la isopo, de ma sopo magena isisawa. So komagena de to Ngohi Ai ronga o bi kia bato ngini nigogolo o Gikimoika, magena Una asa winihike nginika.

Yohanes 3:27

Kagena de o Yohanes wosango wotemo onaka, “Magena dadoohawa. O nyawa ngone gena nakoso o kia naga ngone kanaga pamake magena, ka cawali o Gikimoi wonahike. So ma ngale magegena gena ngohi itoosawa.

Rasul 10:19

De o Petrus awi gogelelo ma gamamu ka watohosi, de o Gurumi Datetebi wotemo, “He, Petrus! Kagenadahu o nyawa yaruwange gena ngona nisari.

Rasul 15:14

O Simon Petrus winisidoto daboloka idodooha o bi nyawa o Yahudika yasowo manga sidongirabano de o Gikimoi wahiri o nyawa magena la idadi to Una Awi nyawa masirete. So komagena ma nonomaka o Gikimoi womasinako igogou Una o Yahudika ma nyawa yasowo lo wasininga.

Rasul 21:16

Komagena o bi dodiao ipipiricaya yamuruo naga o Kaisareaka ma nyawa de o Manason o Siprus ma nyawa moi, itekaka o Yesus iwipiricayaka, una de ona lo yomote so mimakangaho dede ngomi, ma ngale kadoka o Yerusalemka de o Manason awi tahuka mimasidodogu.