Rasul 15:37 - O GIKIMOI AWI JAJI ma BUKU

³⁷ De o Barnabas awi dupa o Yohanes Markus una magena lo iwingaho.

Rasul 15:37 Referans Kwoze

Rasul 12:12

So wanako dangoduka magena, de o Petrus wotagi ongo Mariaka o Yohanes, iwisiaso lo o Markus, ma awa ami tahuka. Kagena o nyawa yadala imatolomuno so isumbayang.

Filemon 1:24

De kanaga o Markus, de o Aristarkhus, de o Demas de lo o Lukas ona ai dodiao ileleleani lo o salam yosidingo ngonaka tanu asa nimakamake kali.

2 Timotius 4:11

So ona yamuruo naga ngohi iririwo gena ka cawali o Lukas womatengo wogogesi dede ngohi. So, Timotius, ma orasi ngona nahino tanu o Markus lo nowingaho wahino ngohino, sababu una aku ngohi woiriwo,

Kolose 4:10

O Aristarkhus lo o bui ma rabaka wisangisara dede ngohi, una asa awi salam wosidingo nginika tanu nimakamake kali. De kanaga o Markus, gena o Barnabas ma ngopa moi, una lo asa awi salam wosidingo nginika tanu asa nimakamake kali. (Ma ngale una gena idomaka ngohi tobeseso nginika nakoso una wahino nginika, de bilasu niwidehe daloha.)

Rasul 13:5

Ma orasi kagena o Salamis ma kotaka yaado, de ona itagi o Gikimoi Awi demo isihabari o Yahudi manga puji ma bi tahuka. De o Yohanes Markus lo womote la to ona manga manara magena wariwo.

Rasul 12:25

Ma orasi o Barnabas de o Saulus o roriwo o pipi magena yatota dabolo o gogobu manga roriri o Yerusalemka, de ona iwiaso o Yohanes, iwisironga lo o Markus, so iliho imakangaho o Antiokhiaka.

Rasul 13:13

O Paulus de awi dodiao o Pafos ma dokuka de ona iside kali yakahika o Perga ma kota o Pamfilia ma daeraka. Kagena yahika de o Yohanes Markus ona wadongosaka, so una woliho wodoma o Yerusalemka.

Rasul 15:39

Mutuwade ona yasinoto imakangamoka sidago ma dodogu ona lo asa imakitingaka. So o Barnabas o Markus iwingaho de ona yasinoto imajobo yoside o Siprus ma guraka.

1 Petrus 5:13

O dodiao ipipiricaya o bolu moi la kanaga o Babilon ma dokuka, ona lo o Gikimoi wahihirika. Ona kanena yangodu manga salam isidingo nginika. De o Markus lo una towisiboboso maro to ngohi ai ngopa masirete gena, awi salam winisidingo nginika.