Rasul 15:20 - O GIKIMOI AWI JAJI ma BUKU

²⁰ Duma o surati moi polefo onaka o bobita ngai muruo naga ma demo, gena komanena: bilasu upa o lake o bi goma isisusuba gena yaodo, de upa o bi haiwani yagogohore la isoneka de yaodo, de upa lo ma au yaudo.

Rasul 15:20 Referans Kwoze

Rasul 15:29

Bilasu upa o lake o bi gomaka isisusuba gena niaodo, upa lo o bi haiwani ma au niaudo, upa lo o bi haiwani yagogohore la isoneka de niaodo de lo upa o bi nyafusu ma dorou niaaka. Nakoso ngini nimasitiari la o dorou ma manara magena niaaka niholu, magena asa niamanara itiai de daloha. Sidago kagena. De o Yesus Kristus Awi ronga Ngomi o gogobu, de o bi rasul, de o roriri o Yerusalemka

Gogelelo 2:20

Ngaroko niaaka komagenaka, duma Ngohi ngini tinisisalasi. Sababu ngini gena asa kanaga nia dongirabaka o ngopedeka moi ongo Izebel, de muna masirete minisihaga motemo muna gena o Gikimoi Awi nabi moi. Muna magena nimimaha-maha so o dodoto ikokulai aku modoto. Komagena so masihagaka to Ngohi Ai sosulo-sosulo, sidago ona lo manga giki o gia isiaaka de ma ino isisusubaka gena yaodo de o bi nyafusu ma dorou lo yaakaka.

Gogelelo 2:14

Ngaroko komagena, duma kanaga o hali muruo naga Ngohi tinisisala nginika. Ena gena, ngini nia sidongirabaka nimuruo naga niasimaha o Bileam awi dodoto yacoho. O Bileam una magena o Balak iwidoto la una o Israel ma nyawa wagegego so ona o dorouku ituraka. Ena gena, manga giki o gia isiaaka ma ino isisusubaka gena yaodo de lo o bi nyafusu ma dorou yaaka.

Dodadi 9:4

Duma o bi moi-moi magegena sababu de o au so asa ioho. So ma lake gena nakoso ma au la iuhi waasi, de magena upa niaodo.

Rasul 21:25

De ma ngale o Yahudika ma nyawa yasowo lo o Jou Yesus iwipiricayaka, so ngomi o surati milefoka de misidingo lo dabolo onaka, ma ngale ngone o Yahudika nanga bobita moi-moi dangodu maro o Musa wosilelefoka upa he yaaka. So ka cawali upa o lake o bi gomaka isisusuba gena yaodo, de upa lo o bi haiwani ma au yaudo, de upa o bi haiwani yagogohore la isoneka de yaodo de upa lo o bi nyafusu ma dorou yaaka.”

1 Korintus 6:18

So bilasu o nyafusu ma dorouno nimasirese bai! Sababu o dorou maro komagena igogou asa nanga rohe isirugi ifoloi de o bi dorou ma binuka, sidago lo nanga rohe de ma Kristus ma rimoi gena ibiauka.

1 Korintus 6:9

Hika ngini niosininga igogou-gogou o nyawa o dorou yodupa yaaaka, ona magena done upa he iwosa o Gikimoi Awi paretaka. Upa sidago ngini nifuma so niamote o ngeko isasalaka. Yaakuwa o nyawa ma dorou de iwosa o Gikimoi Awi paretaka. O nyawa ona magena koloko o nyafusu ma dorou yaaka, de o serika yasuba, de yosundali, de yosusundali de manga rohe imasiiija de lo una awi dorou moi gena imasikiidu de awi dodiao yanau moi.

Gogelelo 9:20

Duma o nyawa ma binukali yatotooma waasi, ona magena itoba de imatoduba iholu. O toka ona magena imatoguwa yasuba. To ona manga giki manga gia masirete isiaaka o guracino, o salakano, o tembagano, o bi tetono de lo o gotano ngaroko inakelelowa eko lo itagiwa, duma ona magena iholu yapalako.

1 Petrus 4:3

Bilasu nimasidailako la ma ngale o Gikimoi Awi dupa niamote so o sangisara niamoku. Sababu maro o nyawa ma somoa ipipiricayawa o bi moi-moi yodupa yaaaka, komagena lo idodomaka ngini lo ma dekano o dorou niaaka. Idodomaka gena ngini o moi-moi o nyafusu ma dorou nidupa, sidago lo nia rohe maro ka o haiwani so o made gena niodupa niaaka, so initobadalu sidago lo nirarame poli, de lo nia suba niatide o bi giki ikokulaika gena foloisi datorou.

Ibrani 13:4

O kawi ma adati gena ngini ningodu bilasu nisigise. Upa niatilaku, sababu o nyawa la kanaga o nyafusu ma dorou yaaka eko yosundali, ona magena o Gikimoi asa wafanggali de o dorou.

1 Tesalonika 4:3

So komagena o Gikimoi Awi dupa de Awi edekati ma ngale nginika gena asa nileleani nikaeli Unaka. So o nyafusu ma dorou upa ngini niaaka.

Kolose 3:5

So bilasu ngini o bi dorou moi-moi upa niaaka, maro o nyawa kanaga wosoneka. Ena gena, niholu niaaka o dupa datotorou de o nyafusu ma dorou dangodu, de lo niholu o arata niodesere. Nakoso magena niodesere gena, imatero de o Gikimoika nisubawa so ka o serika niasuba.

Efesus 5:3

So ma ngale ngini o Gikimoi Awi nyawa, so upa sidago o sababu moi idadi so done o nyawa aku itemo ngini gena kanaga nisundali, de o bi moi-moi datotorou niodupa, de lo o arata niodesere.

Galatia 5:19

Ngone o nyawa kanaga gena nanga sininga ma rabaka o dorou ma dupa, so o nyawa gena yaakaka so aku ngini gena nianako ma diai. O bi nyawa kanaga manga siningaka o dorou komagena, so ona isundali de o nyafusu ma dorou yaaka, de o moi-moi datotorou yodupa sidago lo manga rohe maro ka o haiwani so o made gena yodupa yaaka,

1 Korintus 8:1

De nako ngini nia sano-sano ma ngale o ino la kanaga isisuba o serika gena, ngohi tosango komanena. Igogou, ka idadi ngone potemo panakoka o Gikimoi Una magena ka womatengo de o bi giki ma somoa moili gena ihiwa. Ngaroko komagena, nakoso potemo ngone o kia naga moi ka panako daloha, de magena ngone aku pomasihieka. Duma nakoso padodara, de nanga sininga ma meta cawali de o dodara ma ngale o nyawa manga sininga aku posiputuru.

1 Korintus 7:2

Duma ifoloi daloha nakoso yanau moi-moi de ma pedeka masirete de lo o ngopedeka moi-moi de ma roka masirete, la upa yabaja o nyafusu ma dorou yaaka.

1 Korintus 5:11

Duma ai edekati de ai ngale itetero gena upa nimatekedodiao de o nyawa ona magena itemo o Jou Yesus wipiricayaka, duma yodupa o dorou yaaka, manga dorou imanara gena imatero maro o nyafusu ma dorou yaaka, eko o arata yodesere, eko o serika yasuba, eko o ronga ma dorou yoaaka, eko yatobadalu eko lo yokokoora. Upa sidago ngini nimakangaho so niodo dede ona.

Gogelelo 10:8

De ma ili o sorogano magena ibicara ngohika itemo kali, “Notagi o malaikat una womasigogipito o teoka de o dududuka, la o buku o lolo moi awi giaka magena nadehe kasi.”

Gogelelo 10:2

Kanaga awi giaka o buku ma ceceke o lolo moi de o buku magena ipelengaka. So una awi dohu ma girina o teoku womasigipitoku de awi dohu ma gubali o dududuka womasigipitoku.

Ibrani 12:16

De lo nimasidodiahi la upa sidago nginino kanaga o nyawa moi lo o nyafusu ma dorou nidupa niaaka. De upa sidago lo niaaka maro o Esau idodomaka, sababu o Gikimoi Awi laha unaka he wafaduliwa, so awi ria ma haku o Gikimoi Awi laha wamake gena wositagali de ma nongoru awi ino o kupuo.

2 Korintus 12:21

Ngohi tohawateri upa sidago, nakoso ngohi tahika kali nginika, de ngini nia simaka o Gikimoi asa ngohi woisimade. Upa sidago ngohi toari ma ngale ngini nia sidongirabano kanaga nidala o dorou niaakasi. Sababu ngini gena nimatoba de nimatoduba waasi nia dorou idodomano, gena nisundali de o nyafusu ma dorou niaaka, de o moi-moi datotorou niodupa sidago lo nia rohe maro ka o haiwani so o made gena niodupa niaaka.

1 Korintus 6:13

So kanaga ngini nimuruo naga nitemo kali, “O ino gena ma ngale ngone paodo, de nanga poko gena ma ngale dapunu de o ino.” Duma dangodu magena o orasi ma simaka o Gikimoi asa wasisa. So ngini de nia ngale gena nitemo o kia bato de nanga rohe la paaka magena, dadoohawa. De ngohi tosango, hiwa, komagenawa bai! To ngone nanga rohe gena yaaka, upa ma ngale nanga nyafusu ma dorou paaka sidago lo posundali, duma ma ngale gena o Jou powileleani. Una magena bato nanga rohe ma Jou.

Dodadi 35:2

So kagena de o Yakub wasingangasu awi tahu ma raba moi de lo awi nyawa wimomote yangoduka wotemo, “Niaumo to ngini nia puji ma somoa nia sidongirabano, de nia rohe niatebi kasi de lo nia baju lo bilasu niatagali kasi gena, ma ngale o dorou nia siningaka niadoha de upa lo niamote.