Rasul 14:15 - O GIKIMOI AWI JAJI ma BUKU

¹⁵ “Wewe! Dadoohaso niaaka komagena. Ngomi manena lo ka o nyawa bato koloko ngini! Ngomi miahino kanena gena o habari daloloha minisingangasu nginika, la nia giki moi-moi isosone magena bilasu niodongosa de nimakiliho la nisuba o Gikimoi wooohoka, o Gikimoi Una magena o dipa de o dunia wosidadi, de o teo de lo o moi-moi dangodu kanaga de ma rabaka.

Rasul 14:15 Referans Kwoze

Yakobus 5:17

De nianako maro idodoma o Elia, ngaroko una lo o nyawa ka pomaketero dede ngone, ma ngale o orasi magena asa upa imuura so una ka awi sumbayang watide. De sidago lo ma deka o taungu saange de o ngoosa butanga gena o tonaku o muura lo ihiwa.

1 Korintus 8:4

Mutuwade, nako o ino la kanaga isisuba o serika gena, ngone potemo igogou aku o ino magena ka poodo, sababu panakoka o Gikimoi Una gena ka womatengo de o dunia ma rabaka o bi giki ma somoa gena ihiwa.

Rasul 10:26

Duma o Petrus wisioko de wotemo, “Nomaokoye! Ngohi masirete lo ka o nyawa.”

Gogelelo 14:7

Una de awi ili ilamo-lamo wotemo, “He! O Gikimoi gena wolamo so ngini o nyawa ningodu bilasu ka Una magenaka niwihoromati de niwisigiliri. Sababu o Gikimoi o nyawa yangodu gena asa wafanggali manga loha eko manga dorou gena ma orasi he yaadoka. So ngini lo bilasu ka o Gikimoi niwisuba, sababu Una magegena o soroga, o dunia, o teo de lo o bi ake ma jobubu dangodu gena wosidadika.”

Dodadi 1:1

Ma solano o Gikimoi wosidadi o dipa de o dunia.

1 Tesalonika 1:9

Sababu o bi nyawa kagena asa isingangasu idodooha ma orasi ngomi mimasidiado nginika, de ngone pomakamake de pomatekesikomore moi de moika, de lo ngini gena nimatogu nia suba niatide o bi giki ikokulaika, de asa nia sumbayang niatide o Gikimoika. So o orasi manena o Gikimoi wooohoka, igogou Una magena niwileleani

Efesus 4:17

So ngohi de o Jou Awi kuasa tinigolo de tinibaja, la ngini niaaka kawa maro o nyawa o Gikimoi wipipiricayawa bai! Sababu o bi moi-moi dangodu manga sininga ma rabaka kanaga ma faida ihiwa.

Rasul 4:24

So ma orasi ona iise, de ona manga sininga ka ka moi isumbayang o Gikimoika itemo, “Ya, Jou Nokokuasa! O dunia, de o dipa, de lo o teo moi-moi dangodu de ma raba gena to Ngona Ani gia ma goguto.

Matius 16:16

O Petrus wotemo, “Baba, Ngona manena o Salamati ma Kolano, o Gikimoi woooho Awi Ngopa.”

Ibrani 3:12

Ai dodiao nipipiricaya, hika nimasidodiahi. Upa sidago ngini moi lo de nia sininga ma dorou so nipiricaya kawa komagena, sidago o Gikimoi wooohoka gena niwidongosa.

1 Timotius 3:15

duma nako ngohi iteka so ihiwasi, ngona bilasu nanako idodooha o gogobu bilasu manga sininga de manga manara, sababu ona de o Gikimoi maro ka o tahu ma raba moi. O gogobu magena ka o Gikimoi woooho Awi nyawa yangodu wipipiricaya Unaka, de maro o tahu ma golingasu ma sosode dapoputuru moi, so komagena ona imasigocoho daputuru o dodoto itotiaika.

Rasul 14:21

Kagena o Derbe ma kotaka de o Paulus de o Barnabas o habari daloloha isihabari sidago o nyawa yadala o Yesus wipiricayaka. Dabolo de ona imabulutu so yakahino kali o Listraka de lo o Ikoniumka, de asa itagi gila-gila o Antiokhia o Pisidia ma daeraka.

Yohanes 7:18

De o nyawa nakoso kanaga manga dodoto de ka to ona manga sininga ma rabano de yaaka komagena, magena ma sababu ona yodupa o giliri yasari la ona manga ronga masirete isilamo. Duma nakoso o nyawa kanaga yodupa yasari ma ngale ona yasusuloka magena manga ronga isilamo, de upa manga ronga masirete, de yasusulo ona gena manga dodoto itotiai de manga sininga ma rabaka gena o dorou moi lo ihiwa. Komagena lo Ngohi.

Gogelelo 22:9

Duma una wosibicara ngohika wotemo, “Upa! Upa ngohika nosuba, duma ka o Gikimoika nosuba. Sababu ngohi lo o Gikimoi Awi sosulo moi, imatero maro ngona de ani dodiao ipipiricaya ona o nabi-nabi de lo ona o beseso o buku manena ma rabaka yodupa yaaka.

Gogelelo 19:19

De ngohi takelelo kali kanaga o haiwani ilalago magena, de o bi kolano o duniaka, de lo to ona manga prajurit-prajurit ona yangodu imatolomuka la ma ngale yokudoti de iwilawangi Una magena o jara wopapane de to Una Awi prajurit.

Gogelelo 19:10

So kagena de ngohi asa to una awi simaka tobukuku la ai suba tatide unaka. Duma una wosibicara wotemo ngohika, “Upa! Ngohi gena ka to ngini nia dodiao moi o Gikimoi Awi sosulo, imatero maro ngona de lo ani dodiao ona o habari ma ngale o Yesus Kristus yosihohabari. So tanu ka o Gikimoi Una magenaka asa ngona nosuba. Sababu o bi nabi ona yangodu lo, bai o orasi manena bai o orasi ipapasaka, ma ngale o Yesus Awi dodoto itotiai gena yosingangasu daboloka.”

Rasul 27:25

Ngohi towipiricaya o Gikimoika o kia wotetemo ngohika gena asa idadi de imaaka. Mutuwade, ai baba-baba, o orasi manena nia sininga nisiputuru!

Rasul 27:21

So o wange muruo naga dabolo ngomi mia dupa miodo lo ihiwaka, kagena de o Paulus mia sidongirabano womaokoye de wotemo, “Ai baba-baba ningodu! Kapuruo nagasi ngohi tonasisitiari la upasi ngone poside o Kreta podongosa, la upa sidago ngone porugi de pobodito, duma magena niamotewa.

Rasul 27:10

“Ai baba-baba, ai sininga ma rabaka tamalo nakoso o orasi manena de posideli gena, ngohi tododato ngone pobodito so to ngone nanga deru de nanga gina isisa sidago lo ngone ma nyawa lo posone.”

Rasul 16:30

So kagena de una wangaho ona so wasisupuno, de wotemo, “Baba-baba, o kia bilasu ngohi taaka la o Gikimoi asa woisisalamati.”

Rasul 14:7

Yahika o daera magenaka, de o habari daloloha magena ona isihabari kali.

Rasul 13:32

So ma ngale magegena o orasi manena ngomi minisingangasu o habari daloloha nginika: Kiaka o Yesus wisiohoka o sone ma rabano gena, o Gikimoi waaka dabolo maro o kia wojajika to ngone nanga ete de nanga topora o Israel ma nyawaka. Komagena lo o Mazmur ma fasali sinotoka isilefo gena o Gikimoi wotemo, ‘Ngona gena Ai Ngopa. O wange manena Ngohi tadedemo yangoduka, igogou Ngohi gena to Ngona Ani Baba.’

Rasul 7:26

Kagena de ma goginitano una wamake o Israelka ma nyawa yasinoto imakudubu, de una wotagi wangoho ona magena, de wotemo, ‘Ai baba, ngini manena o bolu moi, dadoohaso ngini nimakudubu.’

Yohanes 5:26

Ngohi aku taaka komagena, sababu imatero maro o oho ma hutu gena ma sihino Ai Babano, komagena so Una lo waaka so asa o oho ma hutu magena lo ma sihino Ngohika.

Dodadi 41:16

Duma o Yusuf wotemo, “Hiwa! Ai kolano ma Firaun tonihohoromati, cawali o Gikimoi de asa o doguruga ma ngale gena wanako de Una masirete asa ani doguruga ma ngale gena wonisingangasu ngonaka.”

Gogelelo 4:11

“Igogou, Jou, Ngona mia Gikimoi! Ka Ngona notero bilasu nisigiliri de nisihoromati, de lo nokuasa so Ani ronga isilamo. Sababu Ngona gena o bi moi-moi dangodu nosidadi, de to Ngona Ani dupa so dangodu gena idadi de ioho.”