Rasul 13:52 - O GIKIMOI AWI JAJI ma BUKU

⁵² De o bi nyawa ipipiricaya kadoka o Antiokhiaka orasi isigeto-geto yanali de manga more ifoloi, de o Gurumi Datetebi Awi kuasa daasu-asu manga sininga yapareta.

Rasul 13:52 Referans Kwoze

1 Tesalonika 1:6

So mianako igogou o Gikimoi ngini winihirika, sababu maro idomaka nanga Jou de Awi nalika de maro ngomi lo idoma de mia nalika, komagena ngini lo ma orasi o habari magena niadeheka. Ngaroko o nyawa asa ngini nisisangisara, duma ngini de o Gurumi Datetebi ma buturu so ngini lo de nia nalika.

Roma 15:13

Ngohi togolo o Gikimoi, Una waaaka so ngini niwingongano, Una magegena lo winisiputuru, so nakoso niwipiricaya gena aku nia siningaka foloisi danali de lo isanangi. La de o Gurumi Datetebi ma buturu ngini niangongano o Gikimoika gena foloisi idogo-dogo.

Galatia 5:22

Duma nakoso o Gikimoi Awi Gurumi gena o nyawa manga sininga ma rabaka, de kanaga Una lo Awi sopo so o nyawa gena aku imatekedodara moi de moika, de manga sininga foloisi danali de isohi, de manga sabari ilamo de manga sininga daloha o nyawaka so yodupa o loha yaaka o nyawaka, de o nyawa aku ona yapiricaya,

Rasul 4:31

Ma orasi isumbayang dabolo o riho imatotolomuka magena ihiti. De o Gurumi Datetebi Awi kuasa daasu-asu iwosa ona yangoduku, so wopareta sidago o habari daloloha o Gikimoino isihabari de manga modo lo ihiwa.

2 Korintus 8:2

Ona magena kanaga manga sangisara foloisi datubuso de ona masirete foloi isususa. Ngaroko komagena, kanaga ona lo manga nali foloisi idogo-dogo sidago ona asa o nyawaka yahike lo de manga sininga foloisi daloha.

Roma 5:3

De komagena lo ngone inanali, nakoso ma ngale o Jou Yesus powipiricayaka, so kanaga ngone inasisangisara. Sababu ngone panako nakoso inasangisara, so nanga piricaya asa foloisi idadi daputuru so o sangisara gena pamoku.

Rasul 2:4

De o Gurumi Datetebi Awi kuasa wowosa ona yangoduku, de manga sininga ma rabaka wopareta so de o kuasa magena ona isolano isibicara de o bi bahasa ma somoa.

Matius 5:12

Komagena lo idomaka o bi nabi yasangisaraka. So hika ninali de sininga ifoloi isanangi. Sababu nia fanggali daloha icarawa gena o Gikimoi wosidailako dabolo kadaku o sorogaka.”

1 Petrus 4:13

So ngini gena upa niohairani duma bilasu ka ninali de nia moreka, sababu maro ma Kristus wisangisaraka komagena ngini lo kanaga nisangisara. La done ma orasi Una wahino kali de Awi mulia gena o Gikimoi wosikelelo, de ngini nia nali gena foloisi ilamo.

Yakobus 1:2

Ai dodiao nipipiricaya, ngaroko o sangisara eko o susa kia bato niamake, hika ngini ka ninali.

Roma 14:17

Sababu nako o Gikimoi ngone wonapopareta gena, o bobita o kia naga paodo de paudo gena posigise ma ngale magena dasowo. Duma ma ngale gena igogou o moi-moi o kia itotiai gena paaka, de nanga oho ma rabaka gena ka cawali o rimoi de o sohi, de lo o Gurumi Datetebi ma buturu so pomore de nanga nalika.

Rasul 5:41

So o bi rasul ona magena o Mahkamah Agamano isupu de manga nali de manga more, sababu o Gikimoi wasitatapu so ma ngale o Yesus bilasu o sangisara de o totadi yamake.

Rasul 2:46

O wange isigeto ona imatekerimoi imatolomuno o Gikimoi Awi Tahuka. De manga nali de manga sininga daloha so yodupa manga tahu moi-moika imatolomuno asa yoodo,

Rasul 11:29

Mutuwade o bi nyawa ipipiricaya gena imatekerimoi la manga roriwo o pipi yosidingo manga dodiao ipipiricaya o Yudeaka igogoge, manga roriwo moi-moi ma lamo yamote de to ona manga aku masirete.