Rasul 13:36 - O GIKIMOI AWI JAJI ma BUKU

³⁶ Ai gianongoru o Israelka ma nyawa de o bi nyawa ma somoasi nidupa niwisusuba o Gikimoika, sababu o Gikimoi Awi sininga ma dupa o Daud waaka daboloka, o Daud wosone de to una awi ete de awi topora manga dateka wisipoosuka, de to una awi rohe lo asa ibaka de iwaro so ihiwaka.

Rasul 13:36 Referans Kwoze

Rasul 2:29

O gianongoru, hika nisimaha la ngohi tinisibicara tatotiai ma ngale o Daud gena to ngone nanga topora wilalamo. Igogou una wosoneka de wipoosuka, de awi boosu lo kanagasi to ngone nanga sidongirabaka ma bati o orasi manena.

Rasul 13:22

So ma orasi awi pareta o Gikimoi wahoika, de o Daud witide kali la una wodadi to ona manga kolano. De ma ngale una magena o Gikimoi wotemo komanena, ‘Ngohi towinakoka o Daud o Isai ma ngopa una igogou Ngohi towidupa, una magena Ai sininga ma dupa gena dangodu asa waaka.’

1 Korintus 15:18

De lo o nyawa wipipiricaya la isoneka, ona magena de manga ngongano ihiwaka, so ona dede o Gikimoi gena imakitingaka.

1 Korintus 15:6

De ipasaka, Una womasimane Awi nyawa wimomote o bolu moi gena yaratu motoha ifoloika. Ona gena ngaroko yamuruo naga isoneka, duma o orasi manena naga ona ma binuka ka iohosi.

Yohanes 11:39

De Una asa wosulo onaka wotemo, “O teto magena ngini nialolo la o boosu ma ngora ipelenga kasi.” De o Lazarus ma bira moriria gena mowisidapano Unaka motemo, “We! Jou, upa bai! Una asa wimelaka so idadiwa. Awi wange iha dabolo una wosone so igogou wobakaka.”

Dodadi 3:19

So komagena ani oho asa isangisara so ani manara dasihilo la ani galasahu ma giliho asa naodo ma bati ani sone ma orasi. Komagena lo ngona ani sihino o tonano so done noliho nomadadi o tona kali.”

1 Tesalonika 4:13

Ai dodiao nipipiricaya, ngomi midupa la nianako o kia moi-moi itero ma ngale o nyawa nagoona o Yesus wipipiricaya de isone. La ngini upa he nia gari de nia sininga ipeleso maro o nyawa ma somoa, la kanaga ma orasi isone de manga ngongano lo ihiwaka.

Rasul 7:60

De lo wobukuku de womatoore awi ili walamo-lamo, “Jou, upa lo o dorou manena nasimoku onaka!” Wotemo komagena, dabolo de wosoneka.

Rasul 8:1

De o Saulus lo awi sininga yadahe ma ngale o dooma ma manara magena. So o wange magena o Stefanus witoomaka, de isolano o Yerusalem ma gogobu yasangisara datubuso, sidago ona ipipiricaya magena he yangodu itagi yodobiau o Yudea ma daeraka de o Samaria ma daeraka, de o Yerusalemka yomatolomu kawa, ka cawali o bi rasul ona ka igogogesi.

Matius 25:16

Woleleleani moi kanaga o pipi o guraci o cala motoha wamake, una magena jai-jai womasiiija hika de hino, so una aku o pipi ma dogo wamakeli o cala motoha.