Rasul 13:29 - O GIKIMOI AWI JAJI ma BUKU

²⁹ So dangodu magena yaakaka maro o kia o bi nabi isilelefo manga buku ma rabaka ma ngale Una, de Awi rohe o sangahadiku isiguti de yapoosu kiaka o boosu magena yaaaka o teto ma rabaka.

Rasul 13:29 Referans Kwoze

Lukas 23:53

So una o sone ma bake magena wadeheka la de o baro daaare wosisangika, dabolo de wapoosu o boosu moika, kiaka damomuanesi yaaka o teto ma rabaka de o sone ma bake moi lo waasi yapoosu.

Yohanes 19:30

Una wapipi dabolo de wotemo, “Ai manara tosiboloka.” Ato Awi sahe iruku gena wosoneka.

Yohanes 19:28

Itekawa, de o Yesus wanako o bi moi-moi dangodu isiboloka, so womasigaso ma ngale idadi de imaaka imatero maro o kia idomaka isilelefo o Gikimoi Awi Jaji ma Buku ma rabaka. Una wotemo, “Kodo! Ai kiri daduduka.”

1 Korintus 15:4

De lo ma Kristus Una magena wipoosuka, de o wange saangeka de o soneno iwisioho kali, maro o kia naga isilelefo o Gikimoi Awi Jaji ma Buku ma rabaka.

Rasul 5:30

Sababu to ngone nanga ete de nanga topora manga Gikimoi o Yesus iwisiohoka o sone ma rabano, ena gena o Yesus niwisidodasangahadika.

Lukas 24:44

Dabolo de Una wotemo onaka, “Manena o kia naga tinisingangasu nginika, ma orasi idomaka de Ngohi kanaga dede nginisi. O bi moi-moi ma ngale Ngohi, kiaka o Jou Awi bobita o Musa de lo o bi nabi ma somoa isilelefo ma Buku ma rabaka de lo o Mazmur ma Bukuka gena, dangodu bilasu isiganapu.”

Rasul 13:27

O bi Yerusalemka ma nyawa de manga roriri gena yosihodawa, ngaroko o bi nabi manga buku ma demo o Sabat ma wange isigeto yabaca, so iwinakowa o Yesus Una magena o Salamati ma Kolano. Ma sababu magegena ona o Yesus asa iwitoomaka. Duma de manga manara ona iwitooma gena ona yaakaka maro o kia o nabi manga bukuka isilelefo magena asa idadika.

Rasul 4:28

Ona o kota manenaka imatolomuno ma ngale iwidanggutu o Yesus, maro idomaka to Ngona Ani dupa so nositatapu daboloka bilasu idadi de imaaka.

Rasul 2:23

Imamote de o Gikimoi Awi edekati so wositatapu daboloka, o Yesus bilasu wisidoa nginika, so o Gikimoi wanako done asa isiganapu. De ngini Una niwisidoa o nyawa yatotorouka, de ona niasulo la iwisidasangahadi sidago wosone.

Markus 15:42

Orasi magena he damada-mada, so ilangi o Sabat ma wange, o nyawa moi awi ronga o Yusuf o Arimateama ma dokuno wahino. Una magena o Mahkamah Agama moi wihohoromati, una lo wododamaha o Gikimoi Awi orasi wopareta maro o kolano moi. O Sabat ma wange idumuka, so ma ngale magegena o Yusuf womabarani wahika o Pilatuska, de wagolo o Yesus Awi sone ma bake.

Lukas 23:50

Kanaga o nyawa moi awi ronga o Yusuf o Arimatea ma dokuno o Yudea ma daeraka. Una magena o nyawa ma loha moi de lo wododamaha o Gikimoi Awi orasi wopareta maro o kolano moi. Ngaroko una lo o Mahkamah Agama ma nyawa moi, duma una wosimotewa manga edekati de manga manara magena ma ngale o Yesus bilasu witooma.

Rasul 26:22

Duma kanaga de o Gikimoi Awi roriwo so ma bati o orasi manena ngohi ka tomaokosi kanena, baba, ani simaka, de aku lo tosihabari ma ngale o Yesus o nyawa nagoonaka bato. So o kia ngohi totetemo gena ka imatero o Musa de o bi nabi idodoma isingangasuka de isilefoka o kia asa idadi o orasi ma simaka,