Rasul 10:7 - O GIKIMOI AWI JAJI ma BUKU

⁷ So o malaikat o Kornelius wibicara dabolo so itagika, de o Kornelius waaso awi nyawa o tahu ma rabaka ileleleani yasinoto de lo awi nyawa ileleleani moisi una magena o prajurit moi de awi sigogise daloha o Gikimoika.

Rasul 10:7 Referans Kwoze

Filemon 1:16

O Onesimus towidodara, duma igogou ngona asa nowidodara foloisi daloha. Sababu una gena upa ka to ngona ani gilalo ileleleani kali, duma una foloisi daloha maro o gilalo woleleleani moi, sababu una magena lo to ngona ani dodiao o Jou Yesus wipipiricayaka.

Lukas 3:14

Kanaga lo o bi prajurit yahino iwisano unaka, “Nako ngomi gena o kia bilasu miaaka.” De una wotemo, “Upa o nyawa niagegego la manga arata inisidoa, de lo upa nia galaki itiaiwa ma ngale o nyawa manga pipi inihike. Idodooha nia gaji ma lamo gena ka niadehe de nia sininga isosanangi.”

1 Timotius 6:2

So nakoso ona de o tona ma duhutu lo o Jou Yesus wipiricayaka, so una dede ona imatekedodiao daloha, ngaroko ona magena upa una he wisigise kawa. Duma ona magena bilasu o tona ma duhutu iwileleani foloisi daloha, sababu o tona ma duhutu una magena asa wopiricayaka, so ona de una imatekedodara. O dodoto moi-moi dangodu ngohi talelefoka gena ngona bilasu nadoto de nasisitiari onaka.

Dodadi 24:52

Ma orasi o Abraham awi gilalo gena woise to ona manga demo magena, de una winali so manga simaka o Jou wisigiliri de Awi ronga wosilamo.

Matius 2:13

O nyawa icocawaro gena imajobo so ipasaka, de o Jou Awi malaikat imasimane kali o Yusuf awi doguruga ma rabaka. De o malaikat magena itemo o Yusufka, “O Herodes awi edekati o ngopa Una magena wisari ma ngale iwitooma. Ma sababu magegena, so hika nomomi la o ngopa Una magena de ma awa nangaho la niloda nimatuluru de nikahika o Mesirka nigoge. Kagena nigogesi, de nitamaha sidago Ngohi asa tonisingangasu kali ngonaka.”

Lukas 2:25

O orasi magena o Yerusalemka, kanaga o nyawa moi awi ronga o Simeon, una magena awi sininga itiai de awi sigogise daloha o Gikimoika. O Gurumi Datetebi kanaga unaka, de lo una wongongano ma orasi he idumuka o Gikimoi asa o Israel awi ngopa de awi danoku magena wariwo.

Rasul 10:6

Una womasidodogu o nyawa moi o haiwani ma kahi woiija awi tahu o teo ma dateka, awi ronga lo ka o Simon.”

Rasul 10:8

Una wosingangasu onaka maro o kia o malaikat itetemoka, de wasulo la itagi o Yopeka.