Rasul 10:27 - O GIKIMOI AWI JAJI ma BUKU

²⁷ So ka imabobicarasi, de o Petrus o tahu ma rabaka wowosa de kagena wamake o nyawa yadala imatolomuka.

Rasul 10:27 Referans Kwoze

2 Korintus 2:12

Ma orasi idomaka o Efesus ma kotaka, de ngohi tomajobo takahika o Troas ma kotaka la kagena o habari ma ngale ma Kristus gena tosihabari. Kagena de o Jou o ngeko moi wapelengaka ma ngale ngohi kagena tomanara.

Rasul 10:24

O wange ma sinotoka de asa ona imasidiado o Kaisarea ma kotaka. So kagena o Kornelius wakoro daboloka to una awi gianongoru de lo awi dodiao imatolomuno, so yadamahaka o nyawa ona magena.

Yohanes 4:35

Ma biasa ma orasi nia doro niodato daboloka, de ngini nitemo, ‘O ngoosa iha ma simaka gena ma orasi poutu.’ Duma Ngohi tinidedemo nginika, hika ngini nia lako niapelenga de nia doro nianano kasi. Sababu o sopo magena daomuka so aku niautu, ena gena o nyawa la kanaga Ai demo yodupa yosigise.

1 Korintus 16:9

sababu ka idadi kanena o manara de ma faida idala gena aku taaka, ngaroko o nyawa he yadala kanaga ngohi ilawangi.

Rasul 14:27

De kagena o Antiokhiaka imasidiado, de o gogobu yatolomuno la isingangasu, dede o Gikimoi Awi kuasa kanaga onaka, so o moi-moi idadadi gena aku ona yaakaka de idodooha Una o ngeko wahike sidago o bi nyawa o Yahudika yasowo lo aku o Yesus iwipiricayaka.

Kolose 4:3

De komagena hika ngomi lo nimisisumbayang Unaka, la tanu Una asa o ngeko womihike ma ngale ngohi aku tasingangasu o nyawa manga simaka o dodoto ma ngale ma Kristus gena ma orasi idodomaka o Gikimoi wosimane waasi. Sababu ma ngale magena tosingangasu o nyawaka, so ngohi kanaga ipiliku o bui ma rabaka, duma igogou ngohi tasingangasu gena tomatoguwa.

Lukas 24:14

Ona manga dodagi ma rabaka ma ngale o kia naga idadadika dangodu magena ona isibobicara.