Rasul 10:20 - O GIKIMOI AWI JAJI ma BUKU

²⁰ Hika nomataika kudahu nouti, de upa naroraka la notagi nomote ona, sababu Ngohi manena dabolo asa tasuloka ona yahino.”

Rasul 10:20 Referans Kwoze

Rasul 13:4

O Gurumi Datetebi wosulo so o Barnabas de o Saulus bilasu imajobo o Siprus ma guraka. So o Antiokhiaka de itatagi yakahoko o Seleukia ma bobaneko, so kagena de asa o deruku ipane so iside yakahika o Siprus ma guraka.

Rasul 9:17

Mutuwade o Ananias wotagi de wowosa o tahu magenaka. So kagena de awi gia wahado o Saulusku, de wotemo, “Ai nongoru Saulus, o Jou Yesus nowikokelelo o ngeko ma soaka ma orasi ngona nokahino nonena gena, Una masirete woisulo ngohi tahino ngonaka la nomasigelelo kali de o Gurumi Datetebi Awi kuasa iuti ngonaku.”

Rasul 9:15

Duma o Jou Yesus wotemo unaka, “Notagi bato! Sababu Ngohi towihiri una ma ngale to Ngohi Ai manara wamoku, ena gena una wosihabari ma ngale Ngohi kiaka o Israel ma nyawaka, de o nyawa o bi bangsa ma somoaka, de lo manga kolanoka.

Rasul 8:26

So kagena ma moiku de o Jou Awi malaikat moi itemo o Filipuska, “He! Hika nomasidailako de nomajobo o koresaraye nokahie de notagi o ngeko magena, kiaka o Gazaka de ikahika o Yerusalemka.” Nako o ngeko magena, o nyawa he yanonu kawa.

Markus 16:15

So kagena de Una wasulo onaka, “Nitagi ma bati o bi doku o dunia ma ngoguka, de nisihabari o habari daloloha o Gikimoino ma meta o dunia ma nyawaka.

Rasul 10:21

Mutuwade o Petrus kudahu wouti de wotemo ona magenaka, “O nyawa moi niwisasari gena ngohi manena dabolo. So kanena niahino gena nidooha.”

Rasul 11:12

Mutuwade o Gurumi Datetebi wosulo ngohika bilasu totagi dede o nyawa ona magena, de upa lo taroraka. So ngohi de ai dodiao ipipiricaya yabutanga ona magena lo mitagi mimakangaho mikahika o Kaisarea ma kotaka, sidago miwosa o Kornelius awi tahu ma rabaka.

Yakobus 1:6

Duma ma orasi ngini nigolo gena, hika nipiricaya igogou o Gikimoi asa winihike de winidoto nginika, ma ngale nia sininga ma rabaka o Gikimoika upa niwidodato. Sababu o nyawa nakoso o Gikimoika la iwidodato, de ona magena asa manga piricaya o Gikimoika gena itatapuwa, gena maro o deru o moku-moku de o rato dasosihilo yadahe so ikole hika de hino.