Rasul 1:24 - O GIKIMOI AWI JAJI ma BUKU

²⁴ De ma orasi magena ona isumbayang itemo, “Ya Jou, igogou Ngona nanako o bi nyawa yangodu manga sininga, so migolo nomisidumu ngomika o nyawa yasinoto, ona manena naguuna Ngona masirete nowihiri daboloka,

Rasul 1:24 Referans Kwoze

Rasul 15:8

De o Gikimoi asa wanako o nyawa yangodu manga sininga moi-moi, de Awi Gurumi Datetebi wahike o nyawa o Yahudika yasowo imatero maro wonahike ngone o Yahudika, de komagena wonasingangasu ngoneka ona lo wadupa.

Gogelelo 2:23

Igogou, Ngohi asa tatooma o nyawa ona magena nakoso to muna ami dodoto gena yamote de yacoho. Komagena so o bi gogobu yangodu gena asa yanako igogou-gogou Ngohi manena gena o nyawa ngini ningodu nia sininga ma raba tatailako, de tanako ma ngale nia loha de nia dorou ma sopo done tafanggali de o loha eko lo de o dorou.

Ibrani 4:13

O dodadi moi lo ihiwa la kanaga o Gikimoika imamingihu, duma dangodu-ngodu magena aku wakelelo, maro Awi simaka kanaga ipelengaka. Una magenaka ngone bilasu nanga gogoho posinako itiai.

Roma 8:27

De o Gikimoi nanga sininga watatailako, Una Awi Gurumi ma dupa gena asa wanako. Sababu maro ka cawali to Una Awi dupa masirete ma ngale Awi nyawa gena Awi Gurumi womagolo Unaka.

Rasul 14:23

Kagena o doku saange moi de moika lo o Paulus de o Barnabas iodowa de isumbayang la iwisano kasi o Jou Awi dupa, ma ngale yahiri manga roriri to ona manga gogobu ma rabaka. Dabolo de ona magena yasisaraha to ona manga Jou iwipipiricayaka.

Rasul 6:6

De o nyawa yatumudingi magena yatota o bi rasulka, la manga gia yahado yatumudingiku de isumbayang ma ngale o gogobu manga oho ma manara gena yaaka.

Yohanes 21:17

De kanaga ma para saangeka Una wotemo kali, “Simon, o Yohanes ma ngopa, ngona gena igogou Ngohi noisiningasi?” De kanaga ma para saangeka to Una Awi sano komagenali, so o Petrus awi sininga ipeleso so wagogou-gogou wotemo, “Iya, Jou, komagena. Ngona masirete lo o bi moi-moi dangodu kanaga ka nanako, so ka nanako igogou ngohi manena tonisosiningasi Ngonaka.” So o Yesus asa wotemo kali, “Nako komagena, de ngona bilasu najaga de nasiputuru daloha o nyawa to Ngohi Ai duba-duba ona magena.

Lukas 16:15

Kagena de Una wotemo onaka, “Ngini nia manara itiaika o nyawa manga simaka, duma o Gikimoi nia sininga gena ka wanako. O kia naga o nyawa isihohoromati, magena o Gikimoi ka woleki.